Esta 6:1-3,6,10,11

Em outras traduções

1. SRUV Swahili Revised Union Version

   1 *Est 2:23Usiku ule mfalme hakupata usingizi; akaamuru aletewe kitabu cha kumbukumbu nacho kikasomwa mbele ya mfalme. 2 Ikaonekana kuwa imeandikwa ya kwamba Mordekai aliwasema Bigthana na Tereshi, wasimamizi wawili wa mfalme, katika hao waliolinda mlango, waliotaka kumwua*6:2 Katika Kiebrania ni ‘kumtia mikono’. mfalme Ahasuero. 3 *Gal 6:9Mfalme akasema, Je! Ni heshima gani au hadhi gani Mordekai aliyofanyiwa kwa ajili ya hayo? Watumishi wa mfalme waliomhudumia wakamwambia, Hakuna alilofanyiwa. 6 Basi Hamani akaingia. Mfalme akamwambia, Afanyiwe nini yule ambaye mfalme apenda kumheshimu? Hamani akasema moyoni mwake, Ni nani ambaye mfalme apenda kumheshimu kuliko mimi?

   10 *Ayu 5:11,13;Lk 14:11Basi mfalme akamwambia Hamani, Hima! Twaa mavazi na farasi kama ulivyosema, ukamfanyie vivyo hivyo Mordekai, Myahudi, aketiye mlangoni pa mfalme; lisipungue neno lolote katika yote uliyoyasema. 11 Ndipo Hamani alipoyatwaa mavazi na farasi, akamvika Mordekai yale mavazi, akampandisha juu ya farasi na kumtembeza kupitia njia kuu ya mjini, akapiga mbiu mbele yake, Hivyo ndivyo atakavyofanyiwa mtu yule ambaye mfalme apenda kumheshimu.

2. ONEN Versão Contemporânea Aberta em Suaíli

   1 Usiku ule mfalme hakupata usingizi, hivyo akaagiza aletewe kitabu cha kumbukumbu za matukio ya utawala wake, asomewe. 2 Kitabu hicho kilikutwa na kumbukumbu kwamba Mordekai alikuwa amefichua jinsi Bigthana na Tereshi, waliokuwa maafisa wawili wa mfalme, walinzi wa lango walivyokuwa wamepanga hila ya kumuua Mfalme Ahasuero.

   3 Mfalme akauliza, "Je, ni heshima na shukrani gani Mordekai alipokea kwa ajili ya jambo hili?"

   Watumishi wake wakajibu, "Hakuna lolote alilofanyiwa."

   6 Hamani alipoingia, mfalme alimuuliza, "Afanyiwe nini mtu ambaye mfalme apenda kumheshimu?"

   Basi Hamani akawaza moyoni mwake, "Ni nani mwingine ambaye mfalme angemheshimu kuliko mimi?"

   10 Mfalme akamwamuru Hamani, "Nenda mara moja, chukua joho na farasi na ufanye kama vile ulivyopendekeza kwa Mordekai Myahudi, akaaye langoni mwa mfalme. Usipuuze kufanya kitu chochote ulichoshauri."

   11 Hivyo Hamani akachukua joho na farasi.

   Akamvika Mordekai, na kumpandisha juu ya farasi akamtembeza katika barabara za mji akitangaza mbele yake, "Hivi ndivyo anavyofanyiwa mtu ambaye mfalme anapenda kumheshimu!"