2 ሳሙኤል 24

ዳዊት ሎልቶተ ለካኤ

1 ኣሪን ዋቀዮ አመስ እስራኤልት ከኤ ዳዊቲን፣ "ዸቂቲ እስራኤሊፊ ይሁዳ ለካእ" ጄዼ እሳንት ከካሴ።

2 ከናፉ ሞትች ዮኣቢፊ አጀጆተ ወራና ከኔን እሰ ብረ ቱረኒን፣ "አከ አን አከ እሳን ሀመም አከ ባይአተን ቤኩ ደንደኡፍ ጎሶተ እስራኤል ከኔን ዳኒ ሀመ ቤርሼባት ጅራተን ሁንደ ኬሰ ዴማቲ ነሞተ ሎሉ ደንደአን ገልሜሳ" ጄዼ።

3 ዮኣብ ገሩ ዴብሴ፣ "ዋቀዮ ዋቅንኬ ሎልቶተኬ ደቻ ዽበ ጫላ ሃባይእሱ፤ እጅ ጎፍታኮ ሞትቻስ ዋን ከነ ሃአርጉ። ገሩ ጎፍታንኮ ሞትች ማሊፍ ዋን ከነ ጎቹ በርባዴ?" ጄዼ።

4 ተኡስ ዱቢን ሞትቻ ዮኣቢፊ አጀጆተ ሎልቶታ ያደ ጌደረቺሴ፤ ከናፉ እሳን ፉለ ሞትቻ ዱራ በአኒ ነሞተ እስራኤል ከኔን ሎሉ ደንደአን ገልሜሱ ዴመን።

5 እሳንስ ኤርገ ዮርዳኖስ ጬአኒ ቦዴ ገረ ክበ መጋላ ሱሉለ ኬሰት አርገሙቲን አሮኤር ብረ ቁበተን፤ አቺሞ ጋድ ኬሰ ደርበኒ የእዜርት ቀጄለን። 6 እሳንስ ገረ ግልኣዲፊ ተባሶን አደሳይ፣ እት ኣንሰኒ ገረ ዳን ያአኒ አቺሞ ናነአኒ ሲዶና ዸቀን። 7 ኤርገሲሞ ገረ ደአትኖ ጢሮስ፣ ገረ መጋላወን ሂዎታቲፊ ከነኣኖታ ሁንዳ ዸቀን። ዹመረትሞ ገረ ቤርሼባ ከን ክበ ይሁዳት አርገምቱ ሰና ዸቀን።

8 እሳንስ ኤርገ ጉቱማ ብየቲ ኬሰ ናነአኒ ቦዴ ጅአ ሰገሊፊ ቡልቲ ድግደማት ዬሩሳሌምት ዴብአን።

9 ዮኣብስ ለኮብሰ ነሞተ ሎሉ ደንደአኒ ሞትቸት ህሜ፤ እስራኤል ኬሰ ነሞተ ሎላፍ ገኡምሰ ቀበን ከኔን ጎራዴ ቀበቹ ደንደአን ኩመ ዽበ ሰዴት፣ ይሁዳ ኬሰሞ ነሞተ ኩመ ዽበ ሸንቱ ቱሬ።

10 ዳዊት ዋን ኤርገ ሎልቶተ ለካኤ ቦዴ በሌሳን እት ዸገአሜፍ ዋቀዮን፣ "አን ዋን ሆጄዼ ኬሰት ጩቡ ጉዳ ሆጄዼረ። ያ ዋቀዮ፣ አን አከ አት በሌሳ ገርብቸኬቲ ዺፍቱፍ ስን ከዸዸ። አን ሆጂ ጎዉማ ጉዳ ሆጄዼራ" ጄዼ።

11 ጉያ እት ኣኑት ኡቱ ዳዊት ህርባ ህንከእን ኤርጋን ዋቀዮ ገረ ዋ ህማ ዳዊት ገረ ጋድ ራጅቻ ዹፌ፤ ኤርጋን ሱንስ፣ 12 "ዸቂቲ ዳዊቲን፣ ‘ዋቀዮ አከነ ሲን ጄዸ፦ አን ፍለትኖ ሰዲ ሲፍን ኬነ፤ አከ አን እሰ ስት ፍዱፍ እሳን ኬሳ ቶኮ ፍለዹ’ ጄዽ" ጄዸ።

13 ከናፉ ጋድ ገረ ዳዊት ዸቄ፣ "ወጋ ቶርበ ብየኬረ ቤል ሃቡኡ? ዮካን ዲኖትንኬ ጅአ ሰዲፍ ስ ሃአርአኒ? ዮካን ዸእች ጉያ ሰዲ ብየኬ ሃዸኡ? ኤጋ አመ እት ያዲቲ ዋን አን እሰ ነ ኤርጌ ሰናፍ ዴብሱ ሙርቴስ" ጄዼን።

14 ዳዊትሞ ጋዲን፣ "አን አከ መሌ ዽጰዼረ። ዋን አራርሳ ጉዳ ተኤፍ ኑ ሀርከ ዋቀዮ ሃሴኑ፤ ገሩ አከ አን ሀርከ ነማ ሴኑ ህንጎዽን" ጄዼ።

15 ከናፉ ዋቀዮ ጉያ እት ኣኑ ገነማ ጀልቀቤ ሀመ ጉያን ሙርታኤ ራወቱት እስራኤልት ዸእቸ ፍዴ፤ ዳኒ ሀመ ቤርሼባት ነሞትን ኩምን ቶርባተምን ንዹመን። 16 ዬሮ ኤርገማን ዋቀዮ ዬሩሳሌምን በሌሱፍ ሀርከሳ ድሪርፈቴት ዋቀዮ ሰበቢ ሁባቲን ሱን እሰ ገድሲሴፍ ኤርገማሳ ከን ሰበ በሌሱፍ ቱሬ ሰናን፣ "ንገአ! ሀርከኬ ዴብፈዹ" ጄዼ። ዬሮ ሰነ ኤርገማን ዋቀዮ ኦብዲ አረዉና ነምቸ ጎሰ ዬቡስ ሰና ብረ ቱሬ።

17 ዳዊት ዮሙ ኤርገማ ዋቀዮ ከን ነሞተ አጄሳ ቱሬ ሰነ አርጌት፣ ዋቀዮን፣ "ነምን ጩቡፊ በሌሳ ሆጄቴ አኑመ። እሳን ኩኔን ገሩ ሆሎታዸ። እሳን ማል ጎዸን? ሀርክኬ አናፊ ማቲኮረ ሃቡኡ" ጄዼ።

ዳዊት እዶ ኣርሳ ቶልቼ

18 ጋፈስ ጋድ ገረ ዳዊት ዸቄ፣ "ኦል በኢቲ ኦብዲ አረዉና ነምቸ ጎሰ ዬቡስ ሰና ኬሰት እዶ ኣርሳ ዋቀዮፍ እጃር" ጄዼን። 19 ከናፉ ዳዊት አኩመ ዋቀዮ ከራ ጋዲን እሰ አጀጄት ኦል በኤ። 20 አረዉናን ዮሙ ምልአቴ ሞትቻፊ ነሞተሳ ከኔን ገረሳ ዹፋ ጅረን አርጌት፣ ገድ በኤ ፉለ ሞትቻ ዱረት አዳን ለፈት ጎምብፈሜ ሰገዴ።

21 አረዉናንስ፣ "ጎፍታንኮ ሞትች ማሊፍ ገረ ገርብቸሳ ዹፌ?" ጄዼ።

ዳዊትሞ፣ "አን አከ ዸእች ሰበረ ቡኤ ኩን ዻበቱፍ፣ ኦብዲኬ ብቴ እሰረት እዶ ኣርሳ ዋቀዮፍ ቶልቹፍን ዹፌ" ጄዼ ዴብሴ።

22 አረዉናንስ ዳዊቲን አከነ ጄዼ፤ "ጎፍታንኮ ሞትች ዋን እሰት ቶሉ ከምዩ ፉዸቴ ሃዽኤሱ። ኣርሳ ጉበሙፍ ሰንጎን ኩኖት፤ ቆራኒፍሞ ምእ እቲን ምዻን ዸአሙፊ ዋንጆን ሰንጋ አስ ጅረ። 23 ያ ሞቲ፣ አረዉናን ዋን ከነ ሁንደ ሞትቻፍ ንኬነ።" አከሱመስ አረዉናን፣ "ዋቀዮ ዋቅንኬ ሲፍ ሃፉዸቱ" እሳን ጄዼ።

24 ሞትች ገሩ፣ "አከስ ምት፤ አን ገቲዻን ስራ ብቱ ነ በርባችሰ። አን ዋን ገቲ እት ህንባስን ዋቀዮ ዋቀኮቲፍ ኣርሳ ጉበሙ ጎዼ ህንዽኤሱ" ጄዼ አረዉናፍ ዴብሴ።

ከናፉ ዳዊት ኦብድቻፊ ሰንጎተ ሰነ ሜቲ ሰቅሊ ሸንተማን ብቴ። 25 ዳዊትስ አችት እዶ ኣርሳ ዋቀዮፍ ቶልቼ ኣርሳ ጉበሙፊ ኣርሳ ነጋ ዽኤሴ። ዋቀዮስ ከዸትና ዋኤ ብየቲፍ ዽኣቴፍ ዴቢ ኬኔ፤ ዸእችስ እስራኤልራ ንዴብኤ።