አሞስ 7

ሀዋንሰ፣ እብዳፊ ቱምቢ

1 ዋቀዮ ጎፍታን ዋን ከነ ነት አርግሲሴ፦ እን ኤርገ ቆድን ሞትቻ ሃመሜ ቦዴ፣ ኡቱመ ምዻን ለመፋን ገኣ ጅሩ ቱተ ሀዋንሳ ቆጴሴ። 2 አንስ ኤርገ ሀዋንስን ሱን ለፈ በርበዴሴ ቦዴ፣ "ያ ዋቀዮ ጎፍታ፣ ኑፍ አራረም! ያቆብ አከሚን ደንደኤ በዲሰራ ሀፈ? እን ዳእመ ጥናዸ!" ጄዼን እዬ።

3 ከናፉ ዋቀዮ ንጋቤ።

ዋቀዮስ፣ "ወን ኩን ህንተኡ" ጄዼ።

4 ዋቀዮ ጎፍታን ዋን ከነ ነት አርግሲሴ፤ ዋቀዮ ጎፍታን ሙርቲ ኬኑፍ እብደ ዋማ ቱሬ፤ እብድ ሱንስ ቱጁበ ጉዳ ጎግሴ ለፈስ ንበርበዴሴ። 5 ከነረት አን፣ "ያ ዋቀዮ ጎፍታ፣ አን ስን ከዸዻ፣ ዋን ከነ ኑራ ዻብ! ያቆብ አከሚን ዋን ከነራ ሀፈ? እን ዳእመ ጥናዸ!" ጄዼን እዬ።

6 ከናፉ ዋቀዮ ንጋቤ።

ዋቀዮ ጎፍታን፣ "ወን ኩንስ ህንተኡ" ጄዼ።

7 እን ዋን ከነ ነ አርግሲሴ፦ ጎፍታን ቱምቢ ሀርከት ቀበቴ ደላ ቱምቢዻን እጃረሜ ብረ ዻበቻ ቱሬ። 8 ዋቀዮስ፣ "አሞስ፣ አት ማል አርጉት ጅርተ?" ጄዼ ነ ጋፈቴ።

አንስ፣ "ቱምቢ ነንአርገ" ጄዼን ዴብሴ።

ጎፍታንስ አከነ ናን ጄዼ፤ "ኩኖ አን ሰበኮ እስራኤል ግዱ ቱምቢ ቶኮ ነንካአ፤ አን ስአች እሳን ህንበራሩ።

9 "እዶወን ሰገዳ ይስሃቅ ንበርበዳኡ፤

እዶን ቁልቁሉን እስራኤልስ ንኦነ፤

አን ጎራዴኮቲን መነ ዬሮብኣምት ነንከአ።"

አሞሲፊ አመስያ

10 ኤርገሲ አመስያ ሉብን ቤትኤል አከነ ጄዼ ዬሮብኣም ሞትቸ እስራኤልት ኤርጋ ቶኮ ኤርጌ፤ "አሞስ ገራ እስራኤል ኬሰት ስት መለቴረ። ዱቢሳ ሁንደ ለፍትዩ ባቹ ህንደንዴሱ። 11 አሞስ አከነ ጄዼራቲ፦

" ‘ዬሮብኣም ጎራዴዻን ዱአ፤

እስራኤልስ ዹጉማን ቦጅአሜ

ብየሳቲ ንፉዸተመ።’ "

12 ከነረት አመስያን አሞሲን አከነ ጄዼ፤ "ያ እላልቱነነ፣ ሶክ! ብየ ይሁዳት ዴብእ። አችት ቡዴነ ኛዹ፤ ራጂስ ዱበዹ። 13 ሰበቢ እን እዶ ቁልቁሉ ሞትቻቲፊ መነ ቁልቁሉማ ሞቱማ ተኤፍ አት ለመተ ቤትኤል ኬሰት ራጂ ህንዱበትን።"

14 አሞስሞ አከነ ጄዼ አመስያፍ ዴብሴ፤ "አን ራጂ ዮካን እልመ ራጂ ምት፤ ገሩ አን ትክሴፊ ኤግዱ ሙከ ሀርቡን ቱሬ። 15 ዋቀዮ ገሩ ትከ ቡሻዬ ኬሳ ነ ፉዼ፣ ‘ዸቂ ሰበኮ እስራኤልት ራጂ ዱበዹ’ ናን ጄዼ። 16 ኤጋ አመ ዱቢ ዋቀዮ ዸገእ። አት አከነ ጄተ፤

" ‘አት እስራኤሊን ሞርሙዻን ራጂ ህንዱበትን፤

መነ ይስሃቅ ሞርሙዻን ለለቡ ዺስ።’

17 "ከናፉ ዋቀዮ አከነ ጄዸ፦

" ‘ኒቲንኬ መጋላ ኬሰት ሰጋገልቱ ታት፤

እልማንኬቲፊ እንተለንኬ ጎራዴዻን ዹሙ።

ብይኬ ሰፈረምቴ ገርገር ቆደምት፤

አት መታንኬዩ ብየ ኦርማት ዱተ።

እስራኤል ዹጉማን ቦጅአሜ

ብየሳቲ ንፉዸመ።’ "