እሳያስ 22

ራጂ ዋኤ ዬሩሳሌም

1 ራጂ ዋኤ ሱሉለ ሙልአታ፦

አመ ማልቱ እስን ረክሴ

እስን ሁንድ ፊጤ መናት ኦል ባተን?

2 ያ መጋላ ወጫን ጉተምቴ፣

ያ መጋላ ጄቀምቱፊ ፈንደለልቱ፣

ነሞትን ስ ጀላ ቀለመን ጎራዴዻን ህንአጄፈምኔ

ዮካን ወራነ ኬሰት ህንዹምኔ።

3 ሆገንቶትንኬ ሁንድ ወሉማን በቀተን፤

እሳን ኡቱመ ጥየ ህንደርበትን ቀበመን።

እስን ኡቱመ ዲን ፈጎ ጅሩ በቀተንዩ

ወር ቀበምተን ሁንድ ወሉማን መነ ህዻት ገልፈምተኒርቱ።

4 ከናፉ አን፣ "አነራ ገረገላ፤

አን ህቅፈዼ ነንቦአ።

በዲሰ ሰበኮረት

ነ ጀጀቤሱ ህንያልና" ነንጄዼ።

5 ጎፍታን፣ ዋቀዮ ዋን ሁንደ ደንደኡ፣

ሱሉለ ሙልአታ ኬሰት፣ ጉያ ጄቁምሳ፣

ዽዺተሙቲፊ ቡርጃጂ፣

አከሱመስ ጉያ እት ደላ ዲጉቲፊ

ቱሉወንትስ እዩ ቀበ።

6 ኤላም መንኤ ጥያ ቀበቴ

ጋሪወኒፊ አቦቲ ፈርዳ ፉዸቴ ባት፤

ቂርስ ጋቸነሼ ቀበት።

7 ሱሉለወንኬ ፍለተሞን ጋሪወኒን ጉተመኒሩ፤

አቦቲን ፈርዳስ ከረ መጋለቲረት ረመደመኒሩ።

8 ጎፍታን እትሰ ይሁዳ እራ ሙልቄረ።

አትስ ጋፈስ ምአ ሎላ ከን መሰራ ቦሶና

ኬሰ ጅሩ ሰነ አብደተ።

9 ደላን መጋላ ዳዊት

ከራ ባይኤ አከ ኡረሜ አርግተኒርቱ፤

ሀሮ ገድ ኣና ኬሰትስ

ብሻን ኩፈተኒርቱ።

10 እስን መኔን ዬሩሳሌም ለኮፍተን፤

ደላሼ ዸጋ ጀቤሱፍ ጄተኒስ መኔን ሰነ ዲግደን።

11 ብሻን ሀሮ ሞፋቲፍ ደላ ለማን ግዱት

ኩሳ ብሻኒ ቶልችተን፤

ገሩ እስን ገረ እሰ ዋን ሰነ ሆጄቴ ህንእላሌ፤

ዮካን እሰ በረ ዼራን ዱረ ዋን ሰነ ከሮርሴፍ ኡልፍነ ህንኬንኔ።

12 ጎፍታን፣ ዋቀዮ ዋን ሁንደ ደንደኡ፣

አከ አት ቦሴ ወዋቱፍ፣

አከ አት ርፌንሰ መታኬቲ ኦፍራ ጭርቴ

ወያ ገዳ ኡፈቱፍ ጉያ ሰነ ስ ዋሜ።

13 ቆደ ከና ገሩ ገመቹፊ ፈንደለሉ፣

ሎን ጎረኡፊ ሆሎተ ቀሉ፣

ፎን ኛቹፊ ዳዺ ወይኒ ዹጉቱ ጅረ!

እስን፣ "ኮታ ንኛትና፤ ንዹግነስ፤

ቦር ንዱናቲ!" ጄቱ።

14 ዋቀዮ ዋን ሁንደ ደንደኡ ኡቱመ ጉርኮ ዸገኡ ዋን ከነ ና እብሴ፦ "ሀመ ጉያ ዱአኬሰኒት ጩቡን ኩን እስንራ ህንሀቀሙ" ጄዸ ጎፍታን፣ ዋቀዮ ዋን ሁንደ ደንደኡ።

15 ጎፍታን፣ ዋቀዮ ዋን ሁንደ ደንደኡ አከነ ጄዸ፦

"ዸቂቲ እት ጋፈተማ ከናን፣

ሼብና፣ ቡልቻ መሰራ ሞቱማቲን አከነ ጄዽ፦

16 አት ማል አሲ ሆጄተ?

አከ አት እዶ ከነት እዶ አዋላ ቆጴፈቱ፣

አከ እዶ ኦል ከኣረት ቦለ አዋለኬቲ ቆተቱ፣

አከ ከታ ኬሰት እዶ ቦቆናኬቲ ቶልቸቱ ኤኙቱ ኤየመ ሲፍ ኬኔ?

17 "ያ ነመ ጀባ ኩኖ፣

ዋቀዮ ጀቤሴ ቀቤ ስ ደርበቹፍ ጅረ።

18 እን አኩመ ኩባ ፉሩርሴ

ብየ በልኣ ቶኮ ኬሰ ስ ቡሰ።

ያ ሰልጵነ መነ ጎፍታኬቲ፣ አት አችት ዱተ፤

ጋሪወንኬ ምሚዸጎንስ አችት ሀፉ!

19 አን ኣንጎኬራ ስን ቡሰ፤

አትስ ታይታኬራ ንአርአምተ።

20 "አን ጋፈስ ገርብቸኮ ኤሊያቂምን እልመ ህልቅያ ነንዋመ። 21 አን ኡፈተኬ እሰት ነንኡፍሰ፤ ሰበተኬ ሙዺሳት ነንህዸ፤ ኣንጎኬስ ደበርሴ እሳፍ ነንኬነ። እን ወረ ዬሩሳሌም ኬሰ ጅራተኒፊ መነ ይሁዳቲፍ አባ ንተአ። 22 አን ፉርቱ መነ ዳዊት ገቲቲሳረ ነንካአ፤ ዋን እን በኑ ነምን ቶኮዩ ጩፉ ህንደንደኡ፤ ዋን እን ጩፉስ ነምን ቶኮዩ በኑ ህንደንደኡ። 23 አን አኩመ ፈኖ ዋ እት ፈንሰን ቶኮት እዶ ጀባረ እሰ ነንዻበ፤ እንስ መነ አባሳቲፍ ቴሶ ኡልፍና ንተአ። 24 እሳንስ ከበጀ መነ አባሳ ሁንደ፣ እጆሌሳቲፊ እጆሌ እጆሌሳ፣ ምአ ጥጥና ከን ወጪቲዻ ጀልቀቤ ሀመ ኦኮቴት ጅሩ ሁንደ እሰት ፈንሱ።"

25 ዋቀዮ ዋን ሁንደ ደንደኡ አከነ ጄዸ፤ "ጋፈስ ቆፎን እዶ ጀባ ዻበሜ ሱን ንቡቀአ፤ ሙረሜ ለፈ ቡአ፤ በኣን እሰት ፈንፈሜ ሱን ሀርጨኤ ጨጨበ።" ዋቀዮ ዋን ከነ ዱበቴራቲ።