1 ዋቀዮ አከነ ጄዸ፤

"ያ ብዮተ ብሻን ግዱ፣ ፉለኮ ዱረት ጨልእሳ!

ሰቦትን ጀብነሳኒ ሃሃሮምፈተን!

እሳን ፉለ ዱረት በአኒ ሃዱበተን፤

ወሊ ወጅን ሙርቲዻፍ ሃዽኣትኑ።

2 "ከን በአ ቢፍቱቲ ነመ ቶኮ ከካሴ

ቀጄሉማዻን ተጃጅለሳቲፍ እሰ ዋሜ ኤኙ?

እን ሰቦተ ደበርሴ ሀርከሳት ኬነ፤

ሞቶተስ እሰ ጀለት ቡልቸ።

እን ጎራዴሳቲን ዳራ፣

ጥየሳቲንስ ሀበቂ ቡቤዻን ብትናኡ እሳን ጎዸ።

3 እን እሳን አርኤ፣

ዳንዲ ሚልሳረ ዴሜ ህንቤክኔረ ነጋን ደርበ።

4 ጀልቀባ ካሴ ዸሎተ ዋሜ

ዋን ከነ ከን ቶልቼፊ ሆጄቴ ኤኙ?

አን ዋቀዮ እሰ ዱራት፤

እሰ ዹማቲፍስ አን እሱመ።"

5 ብዮትን ብሻን ግዱ አርገኒ ሶዳቱ፤

ዳሪወን ለፋ ንሆለቱ።

እሳንስ ንዽኣቱ፤ ገረ ፉለ ዱራትስ ዹፉ፤

6 ቶኮን ቶኮን ነማ ወል ገርጋረ፤

ኦቦሌሰሳቲንስ፣ "ጀባዹ!" ጄዸ።

7 ቱምቱን ስቢላ ቱምቱ ወርቄ ንጀጀቤሰ፤

እን ቡሩሳን ወል ቅጤሱስ፣

እሰ ጌሞረት ስቢለ ቱሙ ጀጀቤሰ።

ዋኤ ስቢለ ወልት በቅሱ፣ "ወን ኩን ጋሪዸ" ጄዸ።

አከ እን ህንሶቾኔፍስ ዋቀ ቶልፈማ ሰነ ምስማራን ወልት ቀብሲሰ።

8 "አት ገሩ፣ ያ ገርብቸኮ እስራኤል፣

ያ ያቆብ ከን አን ፍለዼ፣

ሰኚ አብረሃም ምቹኮቲ፣

9 አን ሀንዳረ ለፋቲ ስ ፉዸዼ፤

ጎሌ ፈጎዻን ስ ዋመዼ።

አን፣ ‘አት ገርብቸኮት’ ሲን ጄዼ፤

አን ስ ፍለዼረ፤ ስ ህንገኔስ፣

10 ከናፉ አት ህንሶዳትን፤ አን ስ ወጅን ጅራቲ፤

ህንራፈምን፤ አን ዋቀኬቲ።

አን ስን ጀቤሰ፤ ስን ገርጋረስ፤

አን ሀርከኮ ምርጋ ቀጄላ ሰናን ህርክሴ ኦል ስን ቀበ።

11 "ኩኖ፣ ወር ስት ኣረን ሁንድ፣

ንቃነኡ፤ ንሰልጰቱስ፤

ወር ሲን ሞርመን አከ ዋን ህንጅሬ ተኡ፤ ንበዱስ።

12 አት ዲኖተኬ በርባዱዩ፣ እሳን ህንአርገቱ።

ወር ወራነ ስት በነን፣

ጉቱማን ጉቱት አከ ዋን ህንጅሬ ተአን።

13 አን ዋቀዮ ዋቅንኬ

ሀርከኬ ምርጋ ነንቀባቲ፤

እን፣ ‘ህንሶዳትን፤

አን ስን ገርጋራ’ ሲን ጄዹስ አኑመ።

14 ያ ያቆብ ራሞነነ፣

ያ እስራኤል ጥኖነነ ህንሶዳትን፤

አን መታንኮ ስን ገርጋራቲ" ጄዸ ዋቀዮ፣

ፉራንኬ፣ ቁልቁልች እስራኤል ሱን።

15 "አን ኩኖ፣ ሜሻ እቲን ምዻን ዸአን፣

ሜሻ ሃራፊ ቀረማ ከን እልካን ባይኤ ቀቡ ስን ታስሰ።

አት ቱሉወን ዾፍቴ ጨጨብስተ፤

ጋረንሞ አከ ሀበቂ ጎተ።

16 አት ጀረ ንአፈርስተ፤ ቅሌንስስ ኦል እሳን ፉዸተ፤

ቡቤን ጀባን እሳን ብትኔሰ።

አት ገሩ ዋቀዮት ንገመደ፤

ቁልቁልቸ እስራኤልንስ ኡልፍነ አርገተ።

17 "ህዬዪፊ ረከቶትን ብሻን በርባዱ፤

ገሩ ሆማ ህንአርገተን፤

አረብንሳኒ ዼቡዻን ጎጎጌረ።

አን ዋቀዮ ገሩ ዴቢ ነንኬናፍ፤

አን ዋቅን እስራኤል ጀረ ህንገቱ።

18 ለፈ ኦል ከኣ ቁላረ ለጌን ነንያሰ፤

ሱሉሎተ ኬሰሞ ቡርቃ ነንቡርቅሲሰ።

ገሞጂ ሀሮ ብሻኒት፣

ለፈ ጎጌስ ቡርቃ ብሻኒት ነንጌደረ።

19 ገሞጂ ኬሰት

ጋትራ፣ ላፍቶ፣ ኩሳዬፊ ኤጄርሰ ነንብቅልቸ።

ለፈ ኦና ኬሰትሞ፣

ብርብርሰ፣ ቀረሮፊ ሀዼሰ ወል ፋነ ነንዻበ።

20 ኩንስ አከ ነሞትን

አከ ሀርክ ዋቀዮ ዋን ከነ ሆጄቴ፣

አከ ቁልቁልች እስራኤል ዋን ከነ ኡሜ አርገኒ ቤከኒፍ፣

አከሱመስ አከ ሁንድሳኒ ዋን ከነ ቀልቤፈተኒ ሁበተኒፍ።

21 "ዽመኬሰን ዽኤፈዻ" ጄዸ ዋቀዮ፤

"ረጋኬሰን ፍደዻ" ጄዸ ሞቲን ያቆብ።

22 "አከ እሳን ዋን ተኡፍ ጅሩ ኑት ህመኒፍ፣

ዋቆተኬሰን ቶልፈሞ ፍደዻ።

አከ ኑ እሳን ሁበትኔ

ዋን እሳን ዹመረት ተአን ቤክኑፍ፣

ወንቶትን በረ ዱር ማል አከ ቱረን ኑት ህማ።

ዮካን ወንቶተ ዹፉፍ ጅረን ኑት ኦዴሳ፤

23 አከ ኑ አከ እስን ዋቆተ ታተን ቤክኑፍ፣

ዋን ፉል ዱረት ተኡፍ ጅሩ ኑት ህማ።

አከ ኑ ርፈትኔ ሶዳን ጉተምኑፍ፣

ዋን ጋሪ ዮካን ዋን ሀማ ሆጄዻ።

24 ኩኖ እስን ወይቱ ህንሄደምተን፤

ሆጂንኬሰንስ ጎንኩማ ገቲ ህንቀቡ፤

ከን እስን ፍለቱ ከምዩ ጅብሲሳዸ።

25 "አን ነመ ቶኮ ካባ ነንካሴ፤ እንስ ዹፈ፤

እን በአ ቢፍቱቲ ዹፉስ መቃኮ ንዋመተ።

እን አኩመ ሱጴ ዾፍቱን ሱጴ ዽዺቱ ሰነ፣

ቡልችቶተ አከ ዾቄት ዽዺተ።

26 አከ ኑ ቤኩ ደንዴኙፍ

ኤኙቱ ጀልቀቡማ ካሴ ዋን ከነ ዱበቴ?

ዮካን አከ ኑ፣ ‘እን ስሪዸ’ ጄቹ ደንዴኙፍ

ኤኙቱ ዱራን ዱርሴ ዋን ከነ ዱበቴ?

ኤኙዩ ዋን ከነ ህንህምኔ፤

ነምን ቶኮዩ ዱራን ዱርሴ ህንህምኔ፤

ነምን ቶኮዩ ዱቢኬሰን ህንዸጌኜ።

27 ነምን ጀልቀበት፣ ‘ኩኖ እሳን አስ ጅሩ!’

ጄዼ ጥዮንት ህሜ አነ ቱሬ።

አን ነመ ኦዱ ጋሪ ህሙ ቶኮ ዬሩሳሌሚፍ ኬኔረ።

28 አን ነንእላሌ፤ ገሩ ሆምቱ ህንቱሬ፤

እሳን ኬሳ ነምን ጎርሰ ኬኑ ቶኮዩ ህንጅሩ፤

ዮሙ አን እሳን ጋፈዹስ ነምን ዴቢ ኬኑ ቶኮዩ ህንጅሩ።

29 ኩኖ፣ ሁንድሳኒ ፋይዳ ህንቀበን!

ሆጂንሳኒስ ገቲ ህንቀቡ፤

ፈኪወንሳኒስ ቅሌንሱመ ዱዋዸ።