1 አመ ገሩ ያ ያቆብ፣ ዋቀዮ እን ስ ኡሜ፣

ያ እስራኤል፣ እን ስ ቶልቼ አከነ ጄዸ፦

"አን ስ ፉሬራቲ ህንሶዳትን፤

አን መቃኬቲን ስ ዋሜረ፤ አት ከንኮት።

2 ዮሙ አት ብሻን ኬሰ ደበርቱ፣

አን ስ ወጅነን ጅረ፤

ዮሙ አት ለጌን ጬቱስ፣ እሳን ስ ህንልቅምሰን።

ዮሙ እብደ ኬሰ ዴምቱ፣

አት ህንጉበቱ፤

አረብን እብዳስ ስ ህንጉቡ።

3 አን ዋቀዮ ዋቅንኬ፣

ቁልቁልች እስራኤል ፈይሳ ኬት፤

አን ብየ ግብጥ ፉሪኬቲፍ፣

ቆደ ኬሞ ኩሺፊ ሳባ ነንኬነ።

4 ዋን አት እጀኮ ዱረት ጃለተማፊ ከበጀማ ታቴፍ፣

አንስ ዋነን ስጃለዹፍ፣

ቆደኬ ነሞተ

ቆደ ሉቡኬቲሞ ሰቦተ ነንኬነ።

5 አን ስ ወጅነን ጅራቲ ህንሶዳትን፤

አን እጆሌኬ በአ ቢፍቱቲ ነንፍደ፤

ልጠ ቢፍቱቲስ ወልት ስን ቀበ።

6 አን ካባን፣ ‘እሳን ገድ ዺስ!’

ክባንሞ ‘እሳን ህንዾውን’ ነንጄዸ።

እልማንኮ ፈጎዻ፣

እንተለንኮሞ ሀንዳረ ለፋቲ ፍድ፤

7 ከን መቃኮቲን ዋመሜ ሁንደ፣

ከኔን አን ኡልፍነኮቲፍ ኡሜ፣

ወረ አን ቶልቼፊ ሆጄዼ ሰነ ፍዳ።"

8 ወረ ኡቱ እጀ ቀበኑ ጃመኒ

ኡቱ ጉረ ቀበኑ ዱደን ገድ ባስ።

9 ሰብን ሁንድ ቶኩማዻን ወልት ሃቀበሙ፤

ነሞትንስ ወል ሃገአን።

እሳን ኬሳ ነምን ዱራን ዱርሴ ዋን ከነ ኑት ህሜ

ወንቶተ ዱራስ ኑፍ ለብሴ ኤኙ?

አከ ወር ካን ዸገአኒ፣ "ኩን ዹጋዸ" ጄዸኒፍ፣

አከ ዹጋ ቀቤዪ ተኡንሳኒ ምርከኔፈሙፍ

እሳን ዹገ ባቶተሳኒ ሃዽኤፈተን።

10 ዋቀዮ አከነ ጄዸ፤

"አከ እስን ቤክተኒ ነ አመንተኒፍ

አከ አን እሰ ተኤስ አከ ሁበተኒፍ

እስን ዹገ ባቶተኮ፣ ገርብቸኮ ከን አን ፍለዼዸ።

አናን ዱረ ዋቅን ህንሆጄተምኔ፤

አናን ቦዴስ ህንጅራቱ።

11 አነ፣ አኑመ ቆፈቱ ዋቀዮ፤

አነ መሌስ ፈይሳን ብራ ህንጅሩ።

12 አን ሙልእሴረ፤ ፈይሴረ፤ ለብሴረስ፤

አነ መሌ ዋቅን ኦርማ ግዱኬሰን ህንቱሬ።

አከ አን ዋቀ ተኤ፣ እስን ዹገ ባቶተኮት" ጄዸ ዋቀዮ።

13 "በረ ዱሪቲ ጀልቀቤ አን እሱመ።

ነምን ቶኮዩ ሀርከኮቲ ዋ ባሱ ህንደንደኡ።

አን ነንሆጄዸ፤ ኤኙቱ ዾዉ ደንደአ?"

14 ዋቀዮ ፉሪንኬ፣

ቁልቁልች እስራኤል አከነ ጄዸ፦

"አን እስኒፍ ጄዼ ባብሎንት ሎልቶተ ኤርጌ

ዶኒወን እሳን እቲን ቦነኒን

ነሞተ ባብሎን ሁንደ ቦጅኤ ነንፍደ።

15 አን ዋቀዮ፣ ቁልቁልቸኬሰን፣

ኡማ እስራኤል፣ ሞቲኬሰኒዸ።"

16 ዋቀዮ እን፣ ገላነ ኬሳን ከራ፣

ብሻኖተ ጀጀቦ ኬሳንሞ ዳንዲ ቶልቼ አከነ ጄዸ፤

17 እን ጋሪወኒፊ ፈርዴን፣ ሎልቶታፊ ገርጋርቶተሳኒ

ቶኩማዻን አርኤ ባሴ አከነ ጄዸ፤

እሳን አቹመ ጭጪሱ፤ ለመተስ ህንከአን፤

አኩመ ፎኣ እብሳትስ ዻመኒ በዱ፤

18 "ወንቶተ ዱሪ እራንፈዻ፤

ዋን ደርቤትስ ህንጭችና።

19 ኩኖ፣ አን ዋን ሃራ ቶኮ ነንሆጄዻ!

እንስ አመ ንብቅለ፤ እስን ህንሁበተኒ?

አን ገሞጂ ኬሰት ከራ ነንቆጴሰ፤

ለፈ ኦና ኬሰትስ ቡርቃ ነንቡርቅሲሰ።

20 ብኔንሶትን ቦሶና፣

ዋንጎወኒፊ ጉቺወን ኡልፍነ ናፍ ኬኑ፤

አከ ሰብንኮ ከን አን ፍለዼ ዹጉፍ፣

አን ገሞጂ ኬሰት ብሻን፣

ለፈ ኦና ኬሰትስ ቡርቃ ነንኬናቲ፤

21 ሰብን አን ኦፊኮቲፍ ፍለዼ

አከ ነ ገለቴፈቱፍ ቱሬ።

22 "ያ ያቆብ፣ አት ገሩ ነ ህንዋመትኔ፤

ያ እስራኤል፣ አት ፉለኮ ዱረት ደዸብዴርተ።

23 አት ኣርሳ ጉበሙፊ ሆሎተ ናፍ ህንፍድኔ፤

ዮካን ኣርሳኬቲን ኡልፍነ ናፍ ህንኬንኔ።

አን ኣርሳ ምዻኒቲን ስ ህንረክፍኔ፤

ዮካን ኣርሳ እጣና ጋፈቹዻን ስ ህንደዸብሲፍኔ።

24 አት ቁንዺ ኡርጋ ጋሪ ቀቡ ና ህንብትኔ፤

ዮካን ጮመ ቀልመኬቲቲን ነ ህንቁብስኔ።

ገሩ በኣ ጩቡኬቲ ነት ፌቴ፤

የከኬቲንስ ነ ደዸብሲፍቴ።

25 "ከን ኦፊኮቲፍ ጄዼ የከኬ ስራ ሀቄ

ጩቡኬስ ዴብኤ ህንያደትኔ፣ አን አኑመ።

26 ሜ ዋን ደርቤረ ና ዴብእ፤

ወልት ዹፍኔ ዱቢ ከነረት ሃፈልምኑ፤

ዱቢኬ ዽኤፈዹቲ ቀጄላ ተኡኬ ምርከኔፈዹ።

27 አባንኬ ከን ጀልቀባ ጩቡ ሆጄቴ፤

በርሲስቶትንኬ ነት ፍንጭለን።

28 ከናፉ አን እት ጋፈተምቶተ መነ ቁልቁሉማኬቲ ነንሰልጵሰ፤

ያቆብን በዲሳፍ፣

እስራኤልንሞ ቱፊፍ ደበርሴ ነንኬነ።