1 በረ ኡዝያን ሞትች ዱኤ ኬሰ፣ አን ኡቱ ጎፍታን ቴሶ ኦል ዼራፊ ኡልፍነ ቀቤሰረ ታኤ፣ ሀንዳር ኡፈተሳ መነ ቁልቁሉማ ጉቴ ጅሩ ነንአርጌ። 2 እሳ ኦልትስ ሱራፌሎተ ቶኮን ቶኮንሳኒ ቆቾ ጀአ ጀአ ቀበንቱ ቱሬ፤ እሳንስ ቆቾ ለማን ፉለሳኒ ሀጉገቱ፤ ቆቾ ለማን ሚለሳኒ ሀጉገቱ፤ ቆቾ ለማንሞ ንበርሱ ቱረን። 3 እሳንስ፦

"ዋቀዮ ዋን ሁንደ ደንደኡ ቁልቁሉ፣ ቁልቁሉ፣ ቁልቁሉዸ፤

ለፍት ሁንድኑ ኡልፍነሳቲን ጉተምቴርት"

ጄዸኒ ወልት ለለባ ቱረን። 4 ሰገሌሳኒቲን ሁንዴን ዻበ በልበላ ንራፈሜ፤ መን ቁልቁሉማስ ኣራን ጉተሜ።

5 አንስ አከነ ጄዼን እዬ፤ "አናፍ ወዮ! አን በዴ! አን ነመ ህዺ ጡራኣ ከን ነሞተ ህዺ ጡራኣ ቀበን ግዱ ጅራቱዻቲ፤ እጅኮ ሞትቸ፣ ዋቀዮ ዋን ሁንደ ደንደኡ አርጌራቲ።"

6 ሱራፌሎተ ኬሳ እን ቶኮ ጭሌ ቦበኡ ከን ቀብዱዻን እዶ ኣርሳራ ፉዼ ቶኮ ሀርከት ቀበቴ ገረኮት በርሴ። 7 እንስ ጭሌ ሰናን አፋንኮ ቱቄ፣ "እላል፣ ወን ኩን ህዺኬ ቱቄረ፤ በሌሳንኬ ስራ ፉዸሜረ፤ ጩቡንኬስ ሲፍ ዺፈሜረ" ጄዼ።

8 አንስ ሰገሌ ጎፍታ ከን፣ "አን ኤኙነን ኤርገዸ? ኤኙቱ ኑፍ ዴመ?" ጄዹ ነንዸገኤ።

ከነረት አን፣ "ኩኖ አኑ ጅረ። ነ ኤርግ!" ነንጄዼ።

9 እንስ፣ "ዸቂቲ አከነ ጄዺ ሰበ ከነት ህም፦

" ‘ዸገኡ ንዸጌሱ፤ ገሩ ህንሁበተን፤

አርጉስ እኑመ አርግቱ፤ ገሩ ህንቀልቤፈተን!’

10 ቀልቢ ሰበ ከና ዶምስ፤

ጉረሳኒ ጩቃል፤

እጀሳኒስ ጩፍ።

ዮ ከና አቺ እሳን እጀ ኦፊሳኒቲን አርገኒ

ጉረሳኒቲን ዸገአኒ

ቀልቢሳኒቲን ሁበተኒ ዴብአኒ ፈዩ።"

11 አን፣ "ያ ጎፍታ፣ ወን ኩን ሀመ ዮሚት አከነ ተአ?" ነንጄዼ።

እንስ አከነ ጄዼ ዴብሴ፦

"ሀመ መጋላወን ዲገመኒ

ነመ እሳን ኬሰ ጅራቱ ዸበንት፣

ሀመ መኔን ኦነኒ ለፍት ቆቲሳስ

በርበዳኤ ዱዋ ሀፉት፣

12 ሀመ ዋቀዮ ነመ ሁንደ ፈጌሴ

ለፍት ሱን ጉቱማን ጉቱት ደገተሙት ተአ።

13 ኩዸን ኬሳ ቶኮ ዮ ሀፌዩ፣

ብይ ሱን አመሌ ዴብቴ ኦንት።

ገሩ አኩመ ሙክን ላፍቶቲፊ ቅልጡ፣

ዮ ሙረን ጉፉንሳ ለቱ ሰነ

አከሱመ ሰኚን ቁልቁሉን ጉፉ ተኤ አችት ሀፈ።"