ሉቃስ 20

ታይታን ዬሱስ ጋፊ ኡሜ

1 ጋፍ ቶኮ ኡቱ ዬሱስ መነ ቁልቁሉማ ኬሰት ነሞተ በርሲሱ፣ ኡቱ ወንጌለስ ለለቡ ሉቦትን ሀንገፎትኒፊ በርሲስቶትን ሴራ ማንጉዶተ ወጅን ገረሳ ዹፈን። 2 እሳንስ፣ "አት አከ ታይታ ማሊቲን ዋን ከነ ሆጄቱ ኑት ህም። ኤኙቱ ታይታ ከነ ሲፍ ኬኔ" ጄዸን።

3 እንስ አከነ ጄዼ ዴብሴ፤ "አንስ ጋፊ ቶኮን እስን ጋፈዸ። እስንሞ ነት ህማ፦ 4 ጩጳን ዮሀንስ ሰሚራ ዹፌሞ ነመ ብራ ዹፌ?"

5 እሳንስ ወሊን መርአተኒ አከነ ጄዸን፤ "ዮ ኑ፣ ‘ሰሚራ ዹፌ’ ጄኔ እንሞ፣ ‘እስን ማሊፍ እሰ ህንአመንንሬ?’ ጄዼ ኑ ጋፈተ። 6 ዮ ኑ፣ ‘ነመ ብራ ዹፌ’ ጄኔ ገሩ ነሞትን ሁንድኑ አከ ዮሀንስ ራጂ ተኤ ዋን አመነኒፍ ዸጋዻን ኑ ቱሙ።"

7 ከናፍ እሳን፣ "እን ኤሳ አከ ዹፌ ኑ ህንቤክኑ" ጄዸን።

8 ዬሱስሞ፣ "አንስ ታይታ ማሊቲን አከን ዋን ከነ ሆጄዹ እስንት ህንህሙ" ጄዼን።

ፈኬኘ ቆቱወኒ

9 እንስ አከነ ጄዼ ፈኬኘ ከነ ነሞተት ህሙ ጀልቀቤ፤ "ነምች ቶኮ እዶ ዻበ ወይኒረ ወይኒ ዻበቴ፣ ቆናን ቡልቶተት ክራ ኬነቴ ብየ ፈጎ ዸቄ ዬሮ ዼራ ቱሬ። 10 እንስ ዬሮ ምዻን ወልት ቀበሙት አከ እሳን እጀ እዶ ዻበ ወይኒራ ዋ ኬነኒፍ ገርብቸ ቶኮ ቆቱወን ሰነት ኤርገቴ። ቆቱወን ሱን ገሩ ቱመኒ ሀርከ ዱዋ ኦፍራ እሰ ዴብሰን። 11 እንስ ገርብቸ ብራ ኤርገቴ፤ እሳን ገሩ እሰስ ቱመኒ፣ ቃኔሰኒስ ሀርከ ዱዋ ኦፍራ እሰ ዴብሰን። 12 አመሌ ገርብቸ ሰደፋ ኤርገቴ፤ እሳንሞ እሰስ መዴሰኒ ገድ እሰ ደርበተን።

13 "ኤርገሲ አብች እዶ ዻበ ወይኒ፣ ‘ማል ጎቹ ናፍ ወየ? ከኤን እልመኮ ጃለተማ እት ኤርገ፤ ተሪ እሰ ንከበጁ ተኣቲ’ ጄዼ።

14 "ቆቶትን ሱን ገሩ ዮሙ እሰ አርገንት፣ ‘ዻልቱን እሰ ከነ፤ ኮታ እሰ አጄፍና፤ ዻል ሱን ከንኬኘ ተኣቲ’ ጄዸኒ ወሊ ወጅን ዱዱበተን። 15 ከናፉ እሳን እዶ ዻበ ወይኒ ኬሳ ገድ ባሰኒ እሰ አጄሰን።

"ኤጋ አባን እዶ ዻበ ወይኒ ሰና ማል እሳን ጎዽነ ላተ? 16 እን ዹፌ ቆቱወን ሰነ ንአጄሰ፤ እዶ ዻበ ወይኒ ሰነስ ነሞተ ብራት ኬነተ።"

ነሞትንስ ዮሙ ዋን ከነ ዸገአንት፣ "ዋቅን ዋን ከነ ህንፍድን!" ጄዸን።

17 ዬሱስስ እሳን እላሌ፣ አከነ ጄዼ፤ "ኤጋ እን፣

" ‘ዸጋን እጃርቶትን ቱፈተን

ዸጋ ጎሌ ተኤረ ጄዸሜ በሬፈሜ ማል ጄቹሳትሬ’ * 20፥17 ፋር 118፥22 ?

18 ነምን ዸጋ ሰነረት ኩፉ ሁንድኑ ጨጨቤ ቡቱተ፤ ነምን ዸግች እረት ኩፉ ከምዩ ንዳከመ።"

19 በርሲስቶትን ሴራቲፊ ሉቦትን ሀንገፎትን አከ እን ፈኬኘ ከነ እሳኒን ሞርሙዻን ዱበቴ ዋን ቤከኒፍ ዬሩመ ሰነ እሰ ቀቡ በርባደን። ገሩ ነሞተ ሰነ ሶዳተን።

ቄሳሪፍ ግብረ ከፈሉ

20 ጀርስ እሰ ጋዳ፣ አከ እሳን ዋን እን ዱበቱን እሰ ቀበኒ ደበርሰኒ ሁምናፊ ታይታ ቡልቻት እሰ ኬነኒፍ ጄዸኒ በሳስቶተ ነመ ነጋ ኦፍ ፈኬሰን ኤርገን። 21 በሳስቶትን ሱንስ አከነ ጄዸኒ እሰ ጋፈተን፤ "ያ በርሲሳ፣ ኑ አከ አት ዋን ቀጄላ ዱበቱፊ ዋኑመ ቀጄላ በርሲፍቱ፣ አከሱመስ አከ አት ዹጋዻን ከራ ዋቃ በርሲሱ መሌ ነመ ወል ህንጫልችፍኔ ቤክነ። 22 ቄሳሪፍ ግብረ ከፈሉን ኤየመሜረሞ ህንኤየመምኔ?"*20፥22 ቄሳሪፍ ግብረ ከፈሉን – ሞቱማን ሮማ ብየሳኒ ቀበቹሳ ይሁዶትን ህንቤከን ቱሬ። ኡቱ ዬሱስ ህንዹፍን ወጋ ድግደሚ ሸኒን ዱረ፣ ሰበቢ ግብረ ከፈሉቲን ሞቱማ ሮማት ሞርሚን ጉዳን ቶኮ ከኤ ቱሬ። ከናፍ ጋፊን ኩን ጋፊ ምጪረማዸ። ዬሱስ ዮ ከፈልቲ ግብራ ዴገሬ፣ ፉዸተመ ነመ ብረት ቀቡ ሰነ ዸበ። ዮ ከፈልቲ ግብራ ሞርሜሞ ደበርፈሜ አቦቲ ኣንጎ ሞቱማት ኬነመ።

23 እን ገሩ ሀጡማሳኒ አርጌ አከነ እሳኒን ጄዼ፤ 24 "ሜ ዲናሪ ቶኮ ነት አርግሲሳ። ፈኪፊ ከተቢ ኤኙቱ እሰረ ጅረ?"

እሳንስ፣ "ከን ቄሳር" ጄዸኒ ዴብሰን።

25 ከነረት እን፣ "ዮስ ከን ቄሳር ቄሳሪፍ፣ ከን ዋቃሞ ዋቃፍ ኬና" ጄዼን።

26 እሳንስ ዋን እን ዱበቴን ፉለ ነሞታ ዱረት እሰ ቀቡ ህንደንዴኜ። ዴቢሳስ ድንቅሲፈተኒ ጨልእሰን።

ጋፊ ዋኤ ዱኣ ከኡ

27 ሰዱቆተ ዱኣ ከኡን ህንጅሩ ጄዸን ኬሳ ቶኮ ቶኮ ዋ ጋፈቹፍ ጄዸኒ ገረ ዬሱስ ዹፈን፤ 28 አከነስ ጄዸን፤ "ያ በርሲሳ ዮ ኦቦሌስ ነመ ቶኮ ኒቲ ፉዼ ኡቱ እጆሌ ህንዸልችን ዱኤ፣ አከ ነምች ሱን ኒቲ ሰነ ዻሌ እጆሌ ዸልቼ ኦቦሌሰሳቲፍ ሰኚ ደበርሱ ሙሴን ኑ በሬሴረ። 29 ኩኖ ኦቦሎተ ቶርበቱ ቱሬ። እን ሀንገፍን ኒቲ ፉዼ እጆሌ መሌ ዱኤ። 30 እን ለመፋን፣ 31 እን ሰደፋንስ እሼ ፉዸን፤ ሃሉመ ወል ፈካቱን እሳን ቶርበኑ ኡቱ እጆሌ ህንዸልችን ዱአን። 32 ዹመረት ዱበርትቲንስ ንዱቴ። 33 ኤጋ ጉያ ዱኣ ከኡት እሼን ኒቲ እሰ ከሚ ታት? ቶርበንሳኒዩ እሼ ፉዸኒሩቲ።"

34 ዬሱስስ አከነ ጄዼ ዴብሴፍ፤ "ነሞትን አዱኛ ከና ንፉዹ፤ ንሄሩሙስ። 35 ወር አዱኛ ዹፉፍ ጅሩፊ ዱኣ ከኡ ኬሰት ህርማቹን እሳኒ መሉ ገሩ ህንፉዸን፤ ህንሄሩመንስ። 36 እሳን ዋን አከ ኤርገሞታ ተአኒፍ ዴብአኒ ህንዱአን፤ ዋን እጆሌ ዱኣ ከኡ ተአኒፍስ እሳን እጆሌ ዋቃት። 37 ገሩ ሙሴንዩ ሴና ዋኤ ደገላ ኬሰት አከ ወር ዱአን ዱኣ ከአን አርግሲሴረ፤ እን ጎፍታዻን፣ ‘ዋቀ አብረሃም፣ ዋቀ ይስሃቂፊ ዋቀ ያቆብ’*20፥37 በኡ 3፥6 ጄዼ ዋማቲ። 38 እን ዋቀ ወረ ጅራተኒት መሌ ዋቀ ወረ ዱአኒ ምት፤ ሁንድኑ እሳፍ ጅራቶዻቲ።"

39 በርሲስቶተ ሴራ ኬሳ ቶኮ ቶኮ፣ "ያ በርሲሳ፣ ዹጋ ጄቴ!" ጄዸኒ ዴብሰን። 40 ነምን ቶኮዩ ዴብኤ ጋፊ እሰ ጋፈቹፍ እጀ ህንጀባትኔ።

ክርስቶስ እልመ ኤኙት?

41 ዬሱስስ አከነ እሳኒን ጄዼ፤ "እሳን አከምት ክርስቶስ*20፥41 ዮካን መሲህች እልመ ዳዊት ጄቹ ደንደኡ? 42 ዳዊት መታንሳዩ ክታበ ፋርፈትና ኬሰት አከነ ጄዸ፤

" ‘ጎፍትች ጎፍታኮቲን አከነ ጄዼ፤

"ከራ ምርገኮ ታእ፤

43 ሀመ አን ዲኖተኬ፣

ኤጄተ ሚለኬቲ ሲፍ ጎዹት።" ’ * 20፥43 ፋር 110፥1

44 ዳዊት ‘ጎፍታ’ ጄዼ እሰ ዋመ። ዮስ እን አከምት እልመሳ ተኡ ደንደአሬ?"

45 ኡቱ ነሞትን ሁንድኑ እሰ ዸገኣ ጅረኑ፣ ዬሱስ በረቶተሳቲን አከነ ጄዼ፤ 46 "በርሲስቶተ ሴራራ ኦፍ ኤገዻ። እሳን ኡፈተ ዼዼራ ኡፈተኒ ነናነኡፊ ገባ ኬሰትስ ነጋ ጋፈተሙ፣ መኔን ሰገዳ ኬሰት ታኡምሰ ኡልፍና፣ ለፈ ጭዻትሞ እዶ ኡልፍና ጃለቱ። 47 እሳንስ መነ ሃዸ ህዬሳ ሳመኒ ኦንሱ፤ ኦፍ አርግሲሱፍ ጄዸኒስ ከዸትና ዼሬሱ። ነሞትን ኩኔን አደበ ጉዳ አደበሙ።"