2 ओह ऊंचहा अवाज म चिचियाके कहिस:
" ‘गिर परिस! बड़े सहर बेबिलोन ह गिर परिस!’18:2 यसा 21:9
ओह परेत आतमामन के, जम्मो असुध आतमामन के,
जम्मो असुध चिरईमन के,
जम्मो असुध अऊ घिनौना पसुमन के
डेरा हो गे हवय।
3 काबरकि जम्मो देस के मनखेमन
ओकर छिनारीपन के पागल करइया मंद ला पीये हवंय।
धरती के राजामन ओकर संग छिनारी करिन,
अऊ धरती के बेपारीमन ओकर बिलासिता के धन ले धनवान हो गे हवंय।"
बेबिलोन के सजा ले बचे के चेतउनी
4 तब मेंह स्वरग ले एक अऊ अवाज सुनेंव, जऊन ह ये कहत रहय:
" ‘हे मोर मनखेमन, ओ सहर म ले निकल आवव,’18:4 यर 51:45
ताकि तुमन ओकर पाप के भागी झन होवव,
अऊ ओकर कोनो बिपत्ति तुम्हर ऊपर झन पड़य;