14 जब अब्राम सुनिस कि ओकर भतीजा ला बंधुवई म ले गे हवंय, त ओह 318 लड़ई करे बर सिखोय मनखेमन ला, जेमन ओकर परिवार म जनमे रिहिन, लीस अऊ दान नगर तक ओमन के पीछा करिस। 15 रथिया के बेरा अब्राम ह ओमन ऊपर हमला करे बर अपन मनखेमन के अलग-अलग दल बनाईस अऊ दमिस्क सहर के उत्तर म होबा तक ओमन के पीछा करिस, अऊ ओमन ला हराईस। 16 अऊ ओह जम्मो सामान ला, अऊ अपन भतीजा लूत अऊ ओकर धन-संपत्ति ला, अऊ माईलोगन अऊ दूसर मनखेमन ला छोंड़ाके ले आईस।
18 तब सालेम14:18 बाद म येला यरूसलेम कहे गीस; भजन 76:2 के राजा मलकिसिदक रोटी अऊ अंगूर के मंद लेके आईस। ओह सर्वोच्च परमेसर के पुरोहित रिहिस, 19 अऊ ओह ये कहिके अब्राम ला आसीस दीस,
"सर्वोच्च परमेसर ले, जऊन ह अकास अऊ धरती के रचइता ए,
तोला आसीस मिलय।
20 अऊ सर्वोच्च परमेसर के महिमा होवय,
जऊन ह तोर बईरीमन ला तोर बस म कर दीस।"
तब अब्राम ह ओला हर एक चीज के दसवां भाग दीस।