उतपत्ती 17

3 तब अब्राम ह मुहूं के बल गिरके ओला दंडवत करिस, अऊ परमेसर ह ओला कहिस, 4 "देख, तोर संग मोर करार ये अय: तेंह बहुंते जाति के मनखेमन के ददा होबे। 5 एकर बर अब ले तोर नांव अब्राम*17:5 अब्राम के मतलब होथे बहुंत परसंसा के योग्य ददा नइं रहय, पर तोर नांव अब्राहम*17:5 अब्राहम संभवतः एकर मतलब होथे अब्बड़ झन के ददा होही; काबरकि मेंह तोला बहुंते जाति के मनखेमन के ददा ठहिराय हंव। 6 मेंह तोला बहुंत फलवंत करहूं; मेंह तोर ले जाति-जाति के मनखे बनाहूं अऊ तोर बंस म राजामन जनमहीं। 7 में तोर संग अऊ तोर पाछू तोर अवइया पीढ़ी-पीढ़ी के संतान संग सदाकाल के ये करार करहूं कि में तोर अऊ तोर पाछू तोर संतानमन के घलो परमेसर होहूं। 8 मेंह तोर अऊ तोर पाछू तोर संतानमन के अधिकार म, ये जम्मो कनान देस, जिहां तेंह अभी परदेसी होके रहिथस, सदाकाल बर दे दूहूं; अऊ मेंह ओमन के परमेसर होहूं।"

9 फेर परमेसर ह अब्राहम ला कहिस, "ये जरूरी ए कि तहूं घलो मोर करार के पालन कर, तें अऊ तोर पाछू अवइया तोर पीढ़ी-पीढ़ी के संतानमन घलो ये करार के पालन करंय। 10 तोर संग बांधे गय करार, जेला तोला अऊ तोर पाछू तोर संतानमन ला माने बर पड़ही, ओ ये अय: तुम्हर बीच म हर पुरूस के खतना करे जावय। 11 तुमन अपन-अपन खतना करवा लव, अऊ येह मोर अऊ तुम्हर बीच म करे गय करार के चिनहां होही।