18 फेर यहोवा परमेसर ह कहिस, "मनखे के अकेला रहई बने नो हय। में ओकर बर एक अइसन मददगार बनाहूं, जऊन ह ओकर ले मेल खावय।"
20 ये किसम ले मनखे ह जम्मो घरेलू-पसुमन के, अकास के चिरईमन के अऊ जम्मो बन पसुमन के नांव रखिस।
पर आदम2:20 या आदमी बर कोनो अइसने सहायक नइं मिलिस, जेकर संग ओकर मेल खावय। 21 एकरसेति यहोवा परमेसर ह आदम ला भारी नींद म डार दीस; अऊ जब ओह सुतत रिहिस, तब परमेसर ह आदम के एक पसली निकालके ओकर जगह म मांस भर दीस। 22 तब यहोवा परमेसर ह आदम ले निकाले ओ पसली2:22 या भाग म ले एक माईलोगन बनाईस, अऊ ओला आदम करा ले आईस।
23 तब आदम ह कहिस,
"अब येह मोर हाड़ा म के हाड़ा
अऊ मोर मांस म के मांस अय;
एकरसेति येला ‘नारी’ कहे जाही,
काबरकि येह नर म ले निकाले गे हवय।"
24 एकरे कारन आदमी ह अपन दाई-ददा ला छोंड़के अपन घरवाली संग मिले रहिही, अऊ ओ दूनों एक तन होहीं।
25 आदम अऊ ओकर घरवाली दूनों नंगरा रिहिन, पर ओमन लजात नइं रिहिन।