यरमियाह 20

14 सरापित होवय ओ दिन, जऊन दिन मेंह जनमें!

ओ दिन ह आसीसित झन होवय, जऊन दिन मोर दाई ह मोला जनम दीस!

15 सरापित होवय ओ मनखे, जऊन ह ये कहिके

मोर ददा ला खुसी के खबर दीस,

"तोर एक लइका जनमे हे—एक बेटा!"

16 ओ मनखे के दसा ह ओ नगर के सहीं होवय,

जऊन ला यहोवा ह बिगर दया के नास कर दीस।

ओला बिहनियां बिलाप करे के

अऊ मंझनियां लड़ई के ललकार के अवाज सुनई देवय।

17 काबरकि ओह मोला गरभ ही म नइं मार डारिस,

मोर दाई के गरभ ह मोर कबर सहीं होतिस,

अऊ ओकर गरभ ह हमेसा बर फईले रहितिस।

18 मेंह काबर समस्या अऊ दुख देखे बर

अऊ अपन जिनगी के दिनमन ला

लज्जा म बिताय बर जनमेंव?