1 मनखे ह अपन मन के योजना के बस म रहिथे,
पर मुहूं के सही जबाब यहोवा करा ले आथे।
2 मनखे के जम्मो चालचलन ओकर नजर म सही जान पड़थे,
पर मन के उदेस्य ला यहोवा ह जांचथे।
3 अपन जम्मो काम ला यहोवा ला सऊंप दव,
अऊ ओह तुम्हर योजना ला स्थापित करही।
9 मनखेमन अपन मन म अपन जिनगी जीये के योजना बनाथें,
पर यहोवा ह ओमन के जिनगी के कदम ला इस्थिर करथे।
25 एक डहार हवय, जऊन ह मनखे ला सही जान पड़थे,
पर आखिर म येह मिरतू करा ले जाथे।
33 परची ह कोरा म डाले जाथे,
पर येकर हर एक निरनय ह यहोवा कोति ले होथे।