15 तें अपन ही जलासय,

अऊ अपन ही कुआं के सोत के पानी पीये कर।

16 का तोर झरना के पानी गलीमन म,

अऊ पानी के धारा गली के चऊकमन म बहय?

17 ओह सिरिप तोरेच रहय,

अऊ अजनबीमन संग बांटे बर नइं।

18 तोर पानी के सोता आसीसित रहय,

अऊ तें अपन जवानी के घरवाली संग आनंद मना।

19 ओह तोर बर एक मयारू हिरनी, एक सुघर सांबरनी सहीं होवय—

ओकर छाती ह तोला हमेसा खुस रखय,

अऊ तेंह ओकर मया म हमेसा बंधे रह।

20 हे मोर बेटा, आने मनखे के घरवाली के मया म तेंह काबर मोहित होबे?

अऊ एक छिनार ला अपन छाती ले काबर लगाबे?