नीतिबचन 5

3 काबरकि छिनारी माईलोगन के मुहूं ले गुरतूर बात निकलथे,

अऊ ओकर बात ह तेल ले घलो जादा चिकना होथे;

4 पर आखिर म, ओह पित्त के सहीं करू,

अऊ दूधारी तलवार सहीं चोख होथे।

5 ओकर गोड़मन मिरतू कोति जाथें;

अऊ ओकर पांवमन सीधा कबर करा ले जाथें।

6 ओह जिनगी के रसता के बारे म बिचार नइं करय;

ओह एती-ओती भटकथे, पर ओह ये बात ला नइं जानय।

7 एकरसेति, हे मोर बेटामन, मोर बात ला सुनव,

अऊ जऊन कुछू मेंह कहिथंव, ओला मानव।

8 अइसने छिनारी माईलोगन ले दूरिहा रहव,

अऊ ओकर घर के लकठा म घलो झन जावव,

9 नइं तो तुम्हर मान-सम्मान दूसरमन करा चल दीही

अऊ निरदयी मनखे ह तुम्हर परतिस्ठा*5:9 या जिनगी के बछरमन ला ले लीही।