नीतिबचन 6

6 हे अलाल मनखे, चांटीमन करा जा;

ओमन के काम ला देख, अऊ बुद्धिमान बन।

7 ओमन ला न तो कोनो हुकूम देवइया होथे,

न देखरेख करइया, अऊ न ही ओमन ऊपर सासन करइया,

8 तभो ले ओमन धूपकाला म अपन खाना संकेलथें

अऊ लुवई के बेरा अपन जेवन कुढ़ोथें।

9 हे अलाल मनखे, तेंह कब तक सोवत रहिबे?

तोर नींद ह कब टूटही?

10 थोरकन अऊ नींद, थोरकन अऊ ऊंघासी,

हांथ म हांथ धरके अऊ थोरकन देर बईठे रहई—

11 अऊ गरीबी ह चोर सहीं,

अऊ घटी ह हथियार धरे मनखे सहीं तोर ऊपर आ जाही।