24 तेखअ परमेशरो शूकर करी सह रोटी चोल़ी अर तिन्‍नां लै दैनी इहअ बोली, "अह रोटी आसा मेरी देही, ज़ुंण मंऐं तम्हां लै दैनी, मुंह आद करना लै करै तम्हैं इहअ ई।"

25 रोटी का बाद ढाकअ तेऊ एक दाखे रसा करै भरअ द प्रिहअ बी संघा बोलअ, "अह प्रिहअ आसा मेरै लोहू दी परमेशरे मणछा लै नऊंईं करार ज़ेभै तम्हैं एता झुटे, मेरी आदी दी करै इहअ ई।" 26 ज़ेभै बी तम्हैं ऐहा रोटी खाए, अर एऊ प्रिहअ झुटै; प्रभूए मौतो प्रच़ार रहै करदै लागी, ज़ेभै तैणीं सह फिरी निं एछे।

27 ज़ै कुंण प्रभूए रोटी इहै करै खाए ज़िहअ करै प्रभूओ अदर नांईं हंदअ, अर प्रिहअ का झुटे, सह हणअ इहअ करी प्रभूए देहीओ अर लोहूओ दोशी। 28 अर एते तैणीं तम्हैं लऐ आपणैं मन्‍नां भाल़ी अर परखी, तेखअ खाऐ तम्हैं ऐहा रोटी अर प्रिहअ।