1 Coríntios 7

8 ऐबै दैआ हुंह तिन्‍नां लै सलाह ज़ुंणी बैह निं आथी किअ द, अर ज़ुंण बिधबा बेटल़ी आसा, तिन्‍नां लै आसा इहअ ई रहणअ ठीक, ज़िहअ हुंह आसा। 9 पर ज़ै तिंयां आपणीं देहीए भुख आपणैं बशै निं करी सकदै, तेता का आसा तिन्‍नों बैह करनअ भलअ, किल्हैकि बैह करनअ आसा कंझ़रनै हणैं का बित्तअ।

10 ज़सरअ बैह हई आसा गअ द, तिन्‍नां लै निं हुंह बोल्दअ आथी, तिन्‍नां लै दैआ प्रभू आप्पै ई हुकम कि लाल़ी निं आपणैं मर्धा का बैईदाऊअ लई दूर रही 11 अर ज़ै तिंयां ज़ुदै बी होए, दुजअ बैह निं करी अर नांईं ता लोल़ी तै सोभी आपणैं मर्धा संघै मेल़-ज़ोल़ किअ, अर नां लाल़ै लोल़ी आपणीं लाल़ी छ़ाडी।