1 Timóteo 1

झ़ुठै गूरूए खलाफ चतैनगी

3,4 तिमोथी, ज़िहअ ताखा थोघ बी आसा कि तिधी इफिसुस नगरी आसा कई इहै मणछ बी ज़ुंण झ़ुठी शिक्षा दैआ। तिंयां दैआ कबल्‍ली झ़ुठी कथ्या अर खिंबे बारै बडी-बडी बही खोज़ी शिक्षा। ज़ांऊं हुंह इफिसुस नगरी का मकिदुनिया मुल्खै डेऊणा लै तैर्हुअ, मंऐं बोलअ ताल्है इफिसुस नगरी रहणा लै अर तिन्‍नां मणछा समझ़ाऊंणा लै कि तिन्‍नां मणछा लै बोलै इहअ कि एही शिक्षा निं दैआ। ज़ांऊं तिंयां एही शिक्षा दैआ, लोग हआ तिन्‍नें बारै हठल़दै लागै दै। एतो नतिज़अ निखल़ा इहअ कि तिंयां निं परमेशरे काम करना लै दुजे मज़त करदै ज़ेता तिंयां सिधअ परमेशरा दी विश्वास डाही करै ई सका करी।