1 तिमोथी 2:1-4

आराधने बारै सलाह

1 ऐबै करा हुंह तम्हां सोभी का एही अरज़ कि सोभी मणछा लै करनी प्राथणां। परमेशरा का करनी एही प्राथणां कि तिन्‍नें मज़त करे। 2 राज़ै अर सोभी बडी पदबी आल़ै लै करनी एते तैणीं अरज़ कि तिंयां हाम्हां शांती दी रहणैं दैए अर म्हारी फाज़त करे, ताकि हाम्हैं परमेशरे च़ाकरी करी सके अर म्हारअ लोल़ी सोभी संघै भलअ बभार हुअ। 3 इहअ लागा म्हारै उद्धार करनै आल़ै परमेशरा शोभलअ अर भाऊंआ बी। 4 सह च़ाहा इहअ कि सोभी मणछो लोल़ी उद्धार हुअ, अर तिंयां सत्त भली भांती बछ़ैणीं सके।✝2:4 एज. 18:23