16 सदा रहणअ नंद। 17 कबल्लै रहणअ प्राथणां दी लागी। 18 हर हालता लै करनअ प्रभूओ शूकर, किल्हैकि तम्हैं मसीहा ईशूए आसा तम्हां लै च़ाहा परमेशर इहअ ई।
19 पबित्र आत्मां निं लोगा मांझ़ै काम करनै का रोक्का। 20 ज़ुंण गल्ला परमेशरै प्रगट किई, तिंयां निं बृथा समझ़णीं। 21 हर गल्ल परखणीं कि तिंयां परमेशरा बाखा आसा कि नांईं, ज़ुंण ठीक आसा सह गल्ल डाहणीं ढाकी। 22 सोभी रंगे बूराई का रहणअ दूर।5:22 फलि. 4:8
बर्गत
23 शांती दैणैं आल़ै परमेशरा करनै आप्पै तम्हैं पबित्र अर थारी आत्मां, प्राण अर देही लोल़ी म्हारै प्रभू ईशू फिरी एछणें तैणीं पूरै-पूरै नर्दोश अर बच़ी रहै।
24 तम्हां शादणैं आल़अ आसा शुचअ-पाक्कअ, तेऊ आसा तम्हैं पबित्र हणां लै शादै दै अर तेऊ करनै तम्हैं बी पबित्र।