2 करिन्थी 12

देही दी कांडअ

7 पर मुंह निं तिन्‍नां नुआहरी गल्‍ले बारै खास्सअ घमंड लोल़ी हुअ ज़ुंण मुखा परमेशरै रहैऊई तैही च़भेऊअ तेऊ मेरी देही दी एक कांडअ, मतलब राख्सो एक दूत कि सह मुल्है धमुक्‍कै बाहे ताकि हुंह घमंड निं करूं।✝12:7 गल. 4:13; आयू. 2:6

8 एते बारै किई मंऐं प्रभू का चिई बारी अरज़ कि अह लोल़ी मुखा दूर हुअ। 9 पर तेऊ बोलअ हर बगत इहअ, "ताल्है आसा मेरअ जश ई बतेर्हअ। किल्हैकि मेरी शगती करा कमज़ोरी दी खास्सअ काम।" तैही करनअ मुंह आपणीं कमज़ोरी प्रैंदै बडै नंदा दी घमंड कि ईशू मसीहे शगती लोल़ी मुंह प्रैंदै बणी रही। 10 एता पिछ़ू आसा हुंह मसीहा लै कमज़ोरी दी, अर निंदा दी अर दल़िदरा दी, अर लोगे बरोधा मांझ़ै मसीबता अर मसीबता दी खुश, किल्हैकि ज़ेभै हुंह आत्मां दी दुबल़अ हआ, मसीहे शगती करै हआ हुंह ज़ोरा आल़अ जोधअ।