2 Coríntios 13

खिरी चतैनगी दैणीं

1,2 ऐबै एछणअ मुंह चिऊथी बारी इना गल्‍ले फैंसलै करदअ तम्हां सेटा लै ज़िहअ पबित्र शास्त्र बोला, "हर गल्‍लो फैंसलअ करनअ दूई या चिई शाजत सम्हनै।"✝13:1-2 बधा. 19:15

ज़धू हुंह दुजी बारी तम्हां सेटा लै आअ तधू तै हाम्हैं चअन ज़ण्हैं, तधू हेरअ त मंऐं बोली कि मुंह दैणीं तिन्‍नां लै सज़ा ज़ुंण तम्हां मांझ़ै कबल्‍लै पाप करनै आल़ै मणछ आसा। ऐबै दैआ हुंह भिई तिन्‍नां लै अर होरी सोभी लै भिई चतैनगी कि हुंह अज़ी बी तम्हां का दूर, ज़ेभै हुंह भिई तम्हां सेटा लै एछे तेभै निं तिन्‍नां हुंह छ़ाडी गअ।