इहै जूँआं दी निं ज़ुंढिआ ज़ुंण बराबर निं आथी
14 ज़ुंण प्रभू ईशू मसीहा दी विश्वास निं करदै तिन्नां संघै निं मेल़-ज़ोल़ आथी, किल्हैकि धर्म अर पापो कै मेल़-ज़ोल़ हणअ? न्हैरै अर प्रैश्शे कै संगत? 15 अर मसीहो निं राख्सा संघै किछ़ै मेल़-ज़ोल़ आथी! नां विश्वास करनै आल़ैओ तिन्नां संघै कोई रिश्तअ आथी ज़ुंण विश्वास निं करदै!
16 मुहुर्ती लै निं परमेशरे भबनै ज़ैगा आथी। किल्हैकि हाम्हैं, ज़िऊंदै परमेशरै भबन आसा, ज़िहअ परमेशरै पबित्र शास्त्रा दी आसा बोलअ द,6:16 लेब. 26:11-12; जेर. 32:38; एज. 37:27
"मुंह बस्सणअ तिन्नां मणछा संघै
अर मुंह रहणअ तिन्नां मांझ़ै हांढदै-फिरदै।
हुंह हणअ तिन्नों परमेशर
अर तिंयां हणैं मेरै लोग।"
17 तैही बोला प्रभू हाम्हां लै पबित्र शास्त्रा दी,6:17 ईशा. 52:11; जेर. 51:45
"तिन्नां मांझ़ा का निखल़ा दूर
अर तिन्नां का रहा ज़ुदै।
छ़ोतलै काम निं करी, मुंह मनणै तम्हैं थिऐ, ज़ै तम्हैं शुचै होए।