11 अह गल्‍ल आसा पाक्‍की कि परमेशरा करनी सोभै गल्‍ला इहअ करै खतम, तै आसा तम्हां का थोघ कि थारअ बभार किहअ लोल़ी हुअ। थारअ बभार लोल़ी धर्मीं अर पबित्र हुअ अर थारै हर कामां करै लोल़ी परमेशर खुश हुअ। 12 आपणअ बभार डाहा तिहअ ज़िहअ तम्हैं आशा डाही तैहा धैल़ी न्हैल़ै आसा लागै दै ज़ुंण परमेशरै मसीहा फिरी एछणा लै आसा छ़ांटी दी। तैहा धैल़ी छ़ेक्‍कै एछणा लै करा पूरी कोशिश। तैहा धैल़ी दहणअ परमेशरा सरग आगी करै अर सुरज़, ज़ोथ अर तारै गल़णै तैहा आगीए घमास्सा करै।✝

13 पर हाम्हां विश्वासी आसा परमेशरा का एही आशा कि तेऊ बणाणैं नऊंअ सरग अर पृथूई ज़िहअ तेऊ बाहिदअ आसा किअ द। तिधी रहणैं सिधै धर्मीं मणछ।✝