11 तैही डाहा ऐहा गल्‍ला आद कि तम्हैं आसा होरी ज़ाती दी पैईदा हुऐ दै, यहूदी करा थारअ सुहांग इहअ बोली कि थारअ निं खतैर आथी हुअ द! तिंयां बोला इहअ कि तिंयां आसा परमेशरे खास आपणैं लोग किल्हैकि तिन्‍नैं आसा खतैर किअ द। अह हुई एही गल्‍ल कि तिन्‍नैं किअ सिधअ आपणीं देही दी पर आपणैं दिलै निं किअ। 12 तम्हैं थिऐ तैहा घल़ी मसीहा का ज़ुदै अर परमेशरे आपणीं परज़ा इज़राईली संघै नांईं तै तम्हैं परमेशरे करारा दी साझ़ू आथी। तम्हां निं संसारै आशा ई आथी ती रही दी अर परमेशरा का थिऐ तम्हैं दूर।

13 पर ज़ुंण तम्हैं दूर थिऐ, ऐबै आणै परमेशरै तम्हैं मसीहा ईशूए तेऊ लोहू करै आप्पू नेल़ ज़ुंण मसीहा थारी तैणीं बहाऊअ।