9 हुंह करा एही प्राथणां कि तम्हैं एकी-दुजै लै झ़ूरी, ज्ञैन अर सोभी रंगे सोर-समझ़ा दी होर बी बझ़दै लागे। 10 हुंह करा ऐहा गल्‍ला लै बी प्राथणां कि परमेशर तम्हां का ऐहा गल्‍ला रहैऊए कि तम्हैं भली का भली गल्‍ला परखी झ़ूरी करे अर ज़ेभै मसीहा स्वर्गा का फिरी एछणअ तेभै तैणीं रहे तम्हैं मानदार अर नर्दोश बणी। 11 ऐहा गल्‍ला लै बी करा हुंह प्राथणां कि तम्हैं सदा तिन्‍नां भली गल्‍ला करदै रहे ज़ेता लै तम्हैं परमेशरा सेटा मसीहा ईशू करै धर्मीं आसा बणाऐं दै। तै शुझणअ होरी लोगा का बी कि तम्हैं परमेशरो किहअ अदर करा।✝1:11 ईशा. 15:8