Gálatas 2

पल़सी किअ पतरासो बरोध

11 पर ज़ांऊं पतरास अन्ताकिया लै आअ, मंऐं बोलअ तेते बारै तेऊए मुंहैं ज़ुंण तेऊ गलत किअ त।✝2:11 गल. 2:14

12 किल्हैकि ज़ांऊं पतरास सोभी का आजी अन्ताकिया आअ, तधू खाई तेऊ होरी ज़ाती का विश्वासा दी आऐ दै लोगा संघै रोटी ज़सरअ खतैर निं आथी हुअ द। तेखअ बादा का ज़ांऊं याकबा बाखा यहूदी विश्वासी अन्ताकिया आऐ, तेखअ पाई तेऊ होरी ज़ातीए लोगा मांझ़ै खाणैं-पिणें छ़ाड़। सह डरअ तिन्‍नां लोगे बरोधा का ज़ुंण लोग इहअ बोला तै कि खतैर करनअ आसा ज़रूरी।✝2:12 शधा. 10:28; 11:2-3

13 तेतो नतिज़अ हुअ इहअ कि होरी यहूदी विश्वासी बी किअ पतरासा ज़िहअ कपट, इधी तैणीं कि बरनबासै बी किअ तिहअ ई ज़िहअ पतरासै किअ।

14 पर ज़ांऊं मंऐं भाल़अ कि तिन्‍नों च़ाल-च़लण निं खुशीए समादे शुची शिक्षे साबै आथी, मंऐं बोलअ सोभी नदरी पतरासा का, "ज़ै तूह यहूदी हई बी यहूदी बधाना नांईं मंदअ अर होरी ज़ाती ज़ेही काटा तूह आपणीं ज़िन्दगी! तै किल्है बोला तम्हैं इना होरी ज़ातीए लोगा लै यहूदी रिती-रबाज़ मनणा लै?"