इब्रानी 3

3,4 लोग बणाआं आप्पू लै घअर पर परमेशर आसा इहअ ज़ुंणी सोभै गल्‍ला बणाईं। ज़िहअ घअरा बणाणैं आल़ै घअरा का खास्सअ अदर भेटा, तिहअ ई आसा ईशू बी, तेऊ ई करै बणाईं परमेशरै आपणैं घअरे सोभै गल्‍ला, सह आसा मोसा का खास्सअ अदर करनै जोगी।

5 मोसा रहअ परमेशरे घअरे सोभी लोगे च़ाकरी करनै आल़ै ज़िहअ शुचअ-पाक्‍कअ कि ज़ुंण गल्‍ला आजू ती हणैं आल़ी, तिन्‍नां गल्‍ला प्रगट करे।✝3:5 गण. 12:7

6 मसीहा आसा पूते रुपै परमेशरे घअरे सोभी लोगो सैणअ अर ज़ै हाम्हैं हिम्मत डाही करै आपणीं आशा दी खिरी तैणीं विश्वासा दी मज़बूत रहे तै आसा हाम्हैं तेऊए घअरे टबर।