विश्वास नांईं करने बारै चतैनगी
7 तै ज़िहअ पबित्र शास्त्रा दी पबित्र आत्मां बोला,3:7 लुआ. 17:7; गण. 20:2-5,13
"भलअ हणअ त इहअ, ज़ै तम्हैं आझ़ परमेशरो बोल शुणदै,
8 परमेशरा संघै निं हठ करदै लागा,
ज़िहअ थारै दादै-बाबै तधू परमेशरा लै द्रोह किअ
ज़धू तिंयां रेगीस्तानै परखै तै।
12 भाईओ, ऐहा गल्ला लै रहा चतैन कि थारअ मन्न निं लोल़ी तेऊ ज़िऊंदै परमेशरे विश्वासा का दूर हुअ। 13 हर धैल़ै दैणअ एकी-दुजै लै हैअ। ताकि पाप तम्हां धोखअ दैई थारै मन्नां काठै नां करे। एता लै रहा तेभै तैणीं एकी-दुजै लै हैअ दैंदै लागी ज़ेभै तैणीं हाम्हैं "आझ़की धैल़ी" बोला।
15 ज़िहअ पबित्र शास्त्र बोला,
"भलअ हणअ त इहअ, ज़ै तम्हैं आझ़ परमेशरो बोल शुणदै,
परमेशरा संघै निं हठ करदै लागा,
ज़िहअ थारै दादै-बाबै तधू परमेशरा लै द्रोह करी
परमेशरा लै रोश्श फरेऊई ती।"