Romanos 6

4 ज़ेभै हाम्हैं डुबकी लई, तेभै मूंऐं हाम्हैं अर मसीहा संघै डाहै दाबी। तेखअ ज़िहअ मसीहा बाब परमेशरे प्रतप्पा करै मरी करै ज़िऊंदअ हुअ, तेही ज़िऊंणीं ऐबै हाम्हां नऊंईं ज़िन्दगी।

5 ज़ै हाम्हैं बी डुबकी दैई ईशूए मौता दी साझ़ू आसा, हाम्हैं हणैं तेऊए ज़िऊई उझ़णै बाद बी तेऊ संघै साझ़ू। 6 किल्हैकि हाम्हां का आसा थोघ कि म्हारअ पराणअ सभाब छ़ड़ाऊअ मसीहा ईशू संघै क्रूसा दी ताकि अह पापे देही खतम होए, अर हाम्हैं आजू लै पापे गलाम नां रहे बणी। 7 ज़ुंण मणछ मरी गअ सह निं तेखअ पाप करने शगतीओ गलाम रहंदअ।