36 ज़िहअ पबित्र शास्त्रा दी बी आसा लिखअ द,✝

"ताह पिछ़ू पाआ लोग हाम्हां कबल्‍लै मारी,

हाम्हां संघै हआ तिन्‍नां भेडा ज़िहअ बर्ताअ ज़ुंण काटणा लै हेल़्ही का ज़ुदी हआ डाही दी।"

37 पर इना सोभी डरैऊंणी गल्‍ला दी गऐ हाम्हैं तेऊ करै ज़िती ज़ुंण हाम्हां संघै झ़ूरी करा।

38 किल्हैकि मुखा आसा थोघ कि नां मौत, नां ज़िन्दगी, नां स्वर्ग दूत, नां जमदूत, नां एभै, नां आगली ज़िन्दगीए फिकर, नां शगती, नां उछ़टी ज़ैगा, 39 नां डुघी ज़ैगा, नां कोई होर संसार हाम्हां परमेशरे झ़ूरी का ज़ुदै करी सकदै, ज़ुंण म्हारै प्रभू ईशू मसीहा दी आसा।