5 किल्हैकि ज़ुंण मणछ देहीए पापी सभाबे बशै आसा सह सोठा पाप करनै आल़ी गल्‍ला, पर ज़ुंण पबित्र आत्में बशै रहा, सह सोठा तिन्‍नां गल्‍ला ज़ेता करै पबित्र आत्मां खुश हआ। 6 देहीए पापी सभाबा दी मन्‍न लाणअ ता आसा मौत, पर आत्मां दी मन्‍न लाणअ आसा सदा लै ज़िन्दगी अर शांती।

7 किल्हैकि देहीए पापी सभाबा दी मन्‍न लाणअ आसा परमेशरा संघै ज़ीद डाहणीं किल्हैकि देहीओ पापी सभाब नां परमेशरे बधाने डरा हेठै आथी अर नां सह तेऊए बधाना मनी सकदअ। 8 ज़ुंण देहीए पापी सभाबे बशै आसा, तिंयां निं परमेशरा खुश करी सकदै।