एलीमोलक डेऊअ आपणैं टबरा संघी मोआब देशा लै
1,2 ज़ेऊ ज़मानै इज़राईली प्रैंदै पांच़ो राज़ थिअ, तेऊ ज़मानै पल़अ एकी बारी देशै घोर नकाल़। यहूदा मुल्खे बेतलेम नगरीओ एलीमोलक नाओं एक मणछ डेऊअ आपणीं बेटल़ी अर दूई शोहरू संघा निंईं मोआब देशा लै संघा बस्सअ तिधी।1:1-2 मिक. 5:2; 1 इति. 4:4 एलीमोलक थिअ एप्रात खिंबा का अर तेऊए लाल़ी नाअं थिअ नाओमी, तिन्नें तै दूई शोहरू मलोन अर कलोन।
16 रूतै दैनअ आपणीं शाशुई लै इहअ ज़बाब, "ज़ीबाण, मुल्है निं आप्पू छ़ाडी पेऊकै फिरी डेऊणा लै बोली! मुंह दै आप्पू संघै एछणैं। ज़िधा लै तूह डेओए, मुंह डेऊणअ ताह संघै तिधा लै अर रहणअ बी मुंह तिधी ज़िधी तूह रहे। ज़ुंण लोग तेरै आसा, मेरै बी हणैं तिंयां ई अर ज़ुंण परमेशर तेरअ आसा सह ई हणअ मेरअ बी परमेशर।1:16 2 शमू. 15:21 17 ज़िधी तूह मरे, मुंह बी मरनअ तिधी अर दाबी बी लोल़ी हुंह तिधी ज़िधी लोग ताह दाबै। मुल्है लोल़ी बिधाते घोर सज़ा पल़ी ज़ै हुंह मौता का सुआई किज़ू होरी गल्ला पिछ़ू ताखा ज़ुदी होए।"
20 नाओमी बोलअ तिन्नां लै इहअ, "मुल्है निं नाओमी बोला, मुल्है बोलअ मारा किल्हैकि बिधाता दैनअ मुल्है खास्सअ दुख। 21 इधा का डेऊंदी बारी ती हुंह भरी पूरी, पर बिधाता पजैल़ी हुंह रित्तै हाथै बापस। बिधाता ज़हा का सारअ बल आसा, ज़ै तेऊ हुंह घोर आफ़ता दी आसा पाई दी1:21 घोर आफ़ता दी आसा पाई दी नाओमी थिई बडी दुखी मनै बच़ार करदी लागी दी कि बिधाता ज़ो ईंयां दुख मुल्है पाऐ तिंयां पाऐ तेऊ मुल्है मेरै पाप करनै पिछ़ू। , तै किल्है बोला तम्हैं मुल्है नाओमी?"1:21 आयू. 1:21