Provérbios 6

விபசாரத்தைக் குறித்து எச்சரிக்கை

20 என் மகனே, உன் தகப்பனின் கட்டளைகளைக் கைக்கொள்,

உன் தாயின் போதனையை விட்டுவிடாதே.

21 அவற்றை எப்பொழுதும் உன் இருதயத்தில் வைத்துக்கொள்;

அவற்றை உன் கழுத்தில் கட்டிக்கொள்.

22 நீ நடக்கும்போது அவை உனக்கு வழிகாட்டும்;

நீ தூங்கும்போது, அவை உன்னைக் கண்காணிக்கும்;

நீ விழித்தெழும்பும்போது, அவை உன்னோடு பேசும்.

23 ஏனெனில் இந்த கட்டளைகள் ஒரு விளக்கு,

இந்த போதனை ஒரு வெளிச்சம்,

நற்கட்டுப்பாடும் கண்டித்தலும்

வாழ்வுக்கு வழி.