Lucas 23

33 Pubhahikita chehemo jhikemwa, "Libhonge lya muto," peniya ndi bhajhakumamba Yecho pamonga na bhibhatehila ghanganandela kila jhumo na nchalaba gwake, jhumo lubhoko lwalelo na jhonge lubhoko lwa ngejha lwa Yecho. 34 Yecho palongila, "Tate gwango, mwalekekehe nhwalo bhamanyite jhe chibhatenda."

Peniya akalonda bhala bhajhakubhaghana ngobho yake kwa kahumbuumbu nnobhole. 35 Bhando bhibhakajhemite peniya kulolekeya, na bhene ilongoche ya Kiyahude bhantendela chanake. Bhalongila, "Abhakombwila bhando bhange, akikombole jwenio, anda jwenio ndi Kilichitu Nkomboche jwahaghulilwe na Chapanga!"

36 Helahela akakomana ngondo bhajhakuntendela chanake, bhajhakuheghelela na kumpekeya divaye jhibhabha, 37 bhalongila, "Anda chakaka mwenga ndi Munahota nkolongwa jwa Akayahude, mukikombole mabhene!"

38 Na panane jha nchalaba gwake pakajhandikwe malobhe ghanga, "Jhonjo ndi Munahota Nkolongwa jwa Akayahude."

39 Mwihe jhumo pakate jha bhala bhabhele ajhakunigha Yecho, alongila, "Bho, mwenga ndi Kilichitu? Mukikombole mabhene na mutukombole na twenga!"

40 Nambo mwihe jhonge jhola ajhakupwatalila nnyake anongolila, "Gwe bhole, munendema jhe Chapanga? Na mabhene bhahadabwii ngita jwenio. 41 Mwenga na nenga bhatuadabwii chipalwa, tupokile malepo ghaghala ghutuhengita. Nambo mundo hojho kibhiijhe kilebhe chalemwite." 42 Peniya nganongolila Yecho, "Yecho, ungotoka kunyehwa pumipala kubhehe Munahota nkolongwa gwino!"

43 Yecho ngajhangwila, "Ninobholela chakaka, kutumbulii ngoheno, natubhaha pamonga na nenga chehemo jha kukangacha jhikemwa ku pepo."