18 Ndi papa bhajhakuhika bhando bhangheghite mundo jwatengwike yegha jhoha mu nchekacheka, bhapata kujhinginako nkate, bhameke palonge jha Yecho. 19 Nambo nhwalo gwa kujholoka kwa bhando, bhakahotwii ndeka kujhingii nako nkate. Bhahe, bhajhakuhobhokela ku kipaghalo kupekenyela lihoto bhajhakuhuluwa pamonga na nchekacheka gwake, bhajhakumeka palonge jha Yecho. 20 Yecho palolita kihobholelo chabhe, ajhakunongolela jwalwalwa jhola, "Makoche bhango, nnekekiwe uhakaho gwino."
21 Mapwalichayo na bhabhola bha Malaghalikilo, bhajhakutumbuu kukikonya, "Mwe maghane jhumunigha Chapanga! Abhii jhe mundo jwahoto kulekekeya uhakaho nga Chapanga kanjika!"
22 Yecho akamanye chibhahola ngakonyita, "Nhwalo gwa nike miwacha gheniya kumiojho jhino? 23 Nike chikijhojwike kulonge, ‘Uhakaho gwino ulekekiwe,’ amu kulonge, ‘Nnyeme ntyange?’ 24 Bhahe, nipala umanye kubhehe Mwana gwa Mundo akwete ukindendeke pannema gwa kulekekeya bhando uhakaho gwabhe." Ajhakunnobholela jwatengwike jhola, "Ninobholela jhema, tola kindengato chino, nnyende kajhino!"
25 Papalapala mundo jhola ajhekujhema palonge jha bhando bhoha, ajhakuto mpacha gwake na kujhenda kajhake kone annombita Chapanga.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)