Maluku 3

Yecho inamicha mundo jwatengwike lubhoko

1 Kabhele Yecho ajhakujhingii munyumba jha kukonganikii Akayahude. Mwenio akibha mundo jwatengwike lubhoko. 2 Bhando bhange bhapaliya kihokola cha kunkamuu Yecho. Bhajhakuningulila anda chanamicha mundo Lichiko lya Kupomolela. 3 Yecho akannobholile mundo jwatengwike lubhoko jhola, "Nhwike palonge pano." 4 Chakaka, akakonyite bhando, "Bho, nike chambone kuhenga Lichiko lya Kupomolela, kuntangatila amu kuntendela uhakaho? Kughombola ughome gwa mundo amu kunkoma?"

Nambo bheniya bhakajhangwiijhe kilebhe. 5 Yecho akalolikii bhando kwa lilaka, peniya ajhakunyongeka kumwojho kwa kukokotoka kwa miojho jhabhe. Bhahe, Yecho akanobholile mundo jhola, "Atambula lubhoko!" Na jwenio ajhakuatambuu lubhoko lwake ajhakulama.