Mateus 14

Yecho abhapela chakulya bhando elufo nhwano

13 Yecho papatita lilobhe lyenio, ajhakubhoka peniya kwa ngalabha, ajhakujhenda panga bhando. Nambo bhando bhakapatite malobhe, bhajhakunkengama kwa magholo kuhumii mumiche yabhe. 14 Bhahe, Yecho pahulwika kumbwane, ajhakubhona lilongo likolongwa lya bhando, lijhakwabhone kiya, ajhakwalamicha bhibhalwalwa.

15 Pukihikita kimiye, bhabholwa bhake bhajhakunnobholela Yecho, "Pambano tubhii panjenga, lichaa lya muhe lipetite. Bhahe, mwatabhuke bhando bhajhende muchenda bhakahemele yakulyegha."

16 Yecho ajhakwalobholela, "Bho, nhwalo gwa nike bhajhende? Mwapele mangota yakulyegha."

17 Nambo, bhene bhakannobhalile, "Tukwete mabumunda nhwano tugha na homba ibhena."

18 Yecho ajhakwalobholela, "Unetele pamba." 19 Ajhakwalobholela bhando bhatame mu manyahe. Peniya Yecho akatoi mabumunda ghala nhwano na homba ibhele, ajhakulola kunane kwa Chapanga, ajhakunchenguu Chapanga. Peniya ajhakumetula na kwabhaghanichila mabumunda gheniya, akapekii bhabholwa bhake, na bhene bhakapekii bhando. 20 Bhando bhoha bhakalile, na kujhukuta. Peniya, bhabholwa bhajhakujhola mahighiliko, bhakatwelii ichukilo kome na ibhele. 21 Bhando bhubhakalile bhakibha akanalome elufo nhwano changabhalangila akakeghe na yana.