Mateus 17

Yecho ighalambuka kumiho

1 Pighapetita machiko chita, Yecho ajhakwatola Petile na Yakobu na Yohane unung’una mundo, bhajhakuhobhoka ade panane jha kitombe kitandamaho na kwenio bhakibha kanjika chabhe, 2 na kwenio Yecho ajhakughalambuka ubhonekano pamiho palonge jhabhe, ajhakung’anyima mbumbumbu, na ngobho yake ing’anyima ngita lumule. 3 Peniya bhabholwa bhatato bhala bhajhakummona Mucha na Eliya bhakilongila na Yecho. 4 Bhahe, Petile ajhakunnobholela Yecho, "Bhambo, nibhona pambano pambone hake kutama twenga! Anda mipala nanjenga ichimba itato, chimo chino, chimo cha Mucha na chimo cha Eliya."

5 Petile pajhendilila kulonge, dola lihunde lihuo lya mbumbumbu lijhakwayekelela, na lilobhe lijhakujhokanikika kuhumii kulihunde lyenio lilongila, "Jhonjo ndi Mwanango jhunimpahile jwatenda ghunipala, munyokanikiye!"