ప్రసంగి 1

4 తరాలు వస్తాయి తరాలు పోతాయి,

కాని ఈ భూమి ఎప్పటికీ ఉంటుంది.

5 సూర్యుడు ఉదయిస్తున్నాడు, అస్తమిస్తున్నాడు,

తాను ఉదయించే చోటుకు మరలా చేరాలని త్వరపడుతున్నాడు.

6 గాలి దక్షిణం వైపు వీస్తూ

అంతలోనే ఉత్తరానికి తిరుగుతుంది;

అది సుడులు సుడులుగా తిరుగుతూ,

తన దారిలోనే తిరిగి వస్తుంది.

7 నదులన్నీ సముద్రంలోనికే చేరుతాయి,

అయినా సముద్రం ఎప్పటికీ నిండదు.

నదులు ఎక్కడి నుండి ప్రవహిస్తున్నాయో

అక్కడికే తిరిగి వెళ్తాయి.