ప్రసంగి 4

9 ఒకరికంటే ఇద్దరు మేలు,

ఎందుకంటే ఇద్దరూ కష్టపడితే మంచి రాబడి ఉంటుంది:

10 ఒకవేళ ఇద్దరిలో ఒకరు పడితే

రెండవవాడు ఇతడిని లేవనెత్తగలడు.

ఒంటరివాడు పడితే

లేవనెత్తేవాడెవడూ ఉండడు.

11 అలాగే, ఇద్దరు కలిసి పడుకుంటే, వారు వెచ్చగా ఉంటారు.

అయితే ఒంటరివారు ఎలా వెచ్చగా ఉండగలరు?

12 ఒంటరి వారిని పడద్రోయడం తేలిక,

ఇద్దరు కలిసి తమను తాము రక్షించుకోగలరు.

మూడు పేటల త్రాడు త్వరగా తెగిపోదు.