యెషయా 18

కూషుకు వ్యతిరేకంగా ప్రవచనం

1 కూషు*18:1 అంటే, నైలు ఉపరితల ప్రాంతం నదుల అవతల

సందడి చేసే రెక్కల దేశమా*18:1 రెక్కల దేశమా లేదా మిడతల దేశమా, నీకు శ్రమ!

2 అది సముద్ర మార్గంలో నీటి మీద

జమ్ము పడవలలో దూతలను పంపుతుంది.

తొందరపడే దూతలారా!

వారు నునుపైన చర్మం గల ఎత్తైన ప్రజల దగ్గరకు,

దూరంలోనున్న భయపెట్టే ప్రజల దగ్గరకు,

నదులు పారుచున్న దేశం కలిగి

దౌర్జన్యం వింత భాష కలిగిన దేశం దగ్గరకు వెళ్లండి.

3 సమస్త లోకవాసులారా,

భూలోక నివాసులారా,

పర్వతాలమీద ఒక జెండాను ఎత్తినప్పుడు

మీరు చూస్తారు,

బూర ఊదినప్పుడు

మీరు వింటారు.

4 యెహోవా నాతో చెప్పే మాట ఇది:

"సూర్యకాంతిలోని తీవ్రమైన వేడిలా,

వేసవి కోతకాలంలోని పొగమంచు మేఘంలా,

నేను నిశ్శబ్దంగా నా నివాసస్థలం నుండి చూస్తాను."

5 కోతకాలం రాకముందే, పువ్వు వాడిపోయినప్పుడు

పువ్వు ద్రాక్షగా మారుతున్నప్పుడు

ఆయన మడ్డికత్తులతో ద్రాక్షతీగెలను కత్తిరించి

విస్తరించే తీగెలను తీసివేస్తారు.

6 అవి పర్వత పక్షులకు,

భూమిమీది మృగాలకు విడిచిపెట్టబడతాయి;

వాటిని వేసవి కాలమంతా పక్షులు,

శీతాకాలమంతా భూమిమీది మృగాలు తింటాయి.

7 ఆ కాలంలో

ఎత్తైన వారు నునుపైన చర్మం గల ప్రజలు

దూరంలోనున్న భయపెట్టే ప్రజలు

నదులు పారుచున్న దేశం కలిగి

దౌర్జన్యం చేసి వింత భాష కలిగిన దేశం

సైన్యాల యెహోవాకు కానుకలు తెస్తారు. సైన్యాల యెహోవా నామానికి నివాసస్థలమైన సీయోను పర్వతానికి ఆ కానుకలు తీసుకువస్తారు.