27 యాకోబూ, "నా త్రోవ యెహోవాకు మరుగై ఉంది;
నా న్యాయాన్ని నా దేవుడు పట్టించుకోలేదు" అని
నీవెందుకు అంటున్నావు?
ఇశ్రాయేలూ, నీవెందుకు ఇలా చెప్తున్నావు?
28 నీకు తెలియదా?
నీవు వినలేదా?
భూమి అంచులను సృష్టించిన
యెహోవా నిత్యుడైన దేవుడు.
ఆయన సొమ్మసిల్లరు, అలసిపోరు,
ఆయన జ్ఞానాన్ని ఎవరూ గ్రహించలేరు.
29 ఆయన అలిసిపోయిన వారికి బలమిస్తారు
శక్తిలేనివారికి శక్తిని ఇస్తారు.
30 యువత సొమ్మసిల్లి అలసిపోతారు,
యువకులు తడబడి పడిపోతారు.
31 కాని యెహోవా కోసం ఎదురు చూసేవారు,
నూతన బలాన్ని పొందుతారు.
వారు గ్రద్ద వలె రెక్కలు చాచి పైకి ఎగురుతారు;
అలసిపోకుండా పరుగెత్తుతారు.
సొమ్మసిల్లకుండా నడుస్తారు.