1 కోరెషు పక్షంగా దేశాలను జయించడానికి
రాజులను నిరాయుధులుగా చేయడానికి
అతని ఎదుట ద్వారాలు మూయబడకుండా
తలుపులు తీయడానికి
నేను అతని కుడిచేతిని పట్టుకున్నాను.
తన అభిషిక్తుడైన ఈ కోరెషుతో యెహోవా చెప్పే మాట ఇదే:
2 నేను నీకు ముందుగా వెళ్లి
పర్వతాలను చదును చేస్తాను;
ఇత్తడి తలుపుల్ని పగలగొట్టి,
ఇనుప గడియలను విరగ్గొడతాను.
3 పేరు పెట్టి నిన్ను పిలిచిన ఇశ్రాయేలు దేవుడనైన యెహోవాను
నేనేనని నీవు తెలుసుకునేలా
రహస్య స్థలాల్లో ఉంచిన నిధులను
దాచబడిన ధనాన్ని నీకిస్తాను.
1 యెహోవా తాను అభిషేకించిన కోరెషును గురించి ఈ విధంగా చెబుతున్నాడు.
"అతని పక్షంగా రాజ్యాలను జయించడానికి నేను అతని కుడిచేతిని పట్టుకున్నాను.
నేను రాజుల నడికట్లు విప్పుతాను. ద్వారాలు అతని ఎదుట తెరచి ఉండేలా తలుపులు తీస్తాను.
2 నేను నీకు ముందు వెళ్తూ ఉన్నత స్థలాలను చదును చేస్తాను. ఇత్తడి తలుపులను పగలగొడతాను, ఇనపగడియలను విరగ్గొడతాను.
3 పేరు పెట్టి నిన్ను పిలిచిన ఇశ్రాయేలు దేవుడు యెహోవాను నేనే అని నువ్వు తెలుసుకోవాలి.
చీకటి స్థలాల్లో ఉన్న నిధుల్నీ రహస్యంగా దాచి ఉన్న ధనాన్నీ నీకిస్తాను.
+581 estão orando agora.
Junte-se à corrente de oração.