యెషయా 53:10-12

10 అయినా అతన్ని నలగ్గొట్టడం యెహోవాకు ఇష్టమైంది,

యెహోవా అతని జీవితాన్ని పాపపరిహారబలిగా అర్పించినా,

అతడు తన సంతానాన్ని చూస్తాడు, దీర్ఘకాలం జీవిస్తాడు,

యెహోవా చిత్తం అతని హస్తంలో వృద్ధిచెందుతుంది.

11 అతడు శ్రమ పొందిన తర్వాత

జీవిత వెలుగును*53:11 కొ.ప్రా.ప్ర.లలో జీవిత వెలుగు అని లేదు చూసి తృప్తి చెందుతాడు*53:11 లేదా తన శ్రమ యొక్క ఫలితం చూస్తాడు, తృప్తి చెందుతాడు;

నీతిమంతుడైన నా సేవకుడు తన జ్ఞానంతో అనేకమందిని సమర్థిస్తాడు,

వారి దోషాలను అతడు భరిస్తాడు.

12 కాబట్టి గొప్పవారితో నేనతనికి భాగం ఇస్తాను.

బలవంతులతో కలిసి అతడు దోపుడుసొమ్ము పంచుకుంటాడు.

ఎందుకంటే తన ప్రాణాన్ని మరణం పొందడానికి ధారపోసాడు,

అతడు అపరాధులలో ఒకనిగా ఎంచబడ్డాడు.

అతడు అనేకుల పాపభారాన్ని భరిస్తూ,

అపరాధుల గురించి విజ్ఞాపన చేశాడు.