యెషయా 58

3 వారంటారు, ‘మేము ఉపవాసం ఉండగా

మీరెందుకు చూడరు?

మమ్మల్ని మేము తగ్గించుకుంటే

మీరెందుకు గమనించరు?’

"అయినా మీరు ఉపవాసం ఉన్న రోజున మీకు నచ్చినట్లుగా చేశారు

మీ పనివారినందరిని దోచుకున్నారు.

4 మీ ఉపవాసం గొడవలతో దెబ్బలాటలతో,

ఒకరినొకరు పిడికిలితో గుద్దులాడడంతో ముగుస్తుంది.

మీ స్వరం పరలోకంలో వినపడాలని

మీరు ఈ రోజులా ఉపవాసం ఉండకూడదు.

5 ఇలాంటి ఉపవాసమా నేను కోరుకున్నది?

మనుష్యులు ఆ ఒక్కరోజు తమను తాము తగ్గించుకుంటే సరిపోతుందా?

ఒకడు జమ్ము రెల్లులా తలవంచుకొని

గోనెపట్ట కట్టుకుని బూడిదలో కూర్చోవడమే ఉపవాసమా?

యెహోవాకు ఇష్టమైన ఉపవాసం

ఇదేనని మీరనుకుంటున్నారా?

6 "నేను కోరుకునే ఉపవాసం

అన్యాయపు సంకెళ్ళను విప్పడం,

బరువైన కాడి త్రాళ్లు తీసివేయడం,

బాధించబడిన వారిని విడిపించడం,

ప్రతీ కాడిని విరగ్గొట్టడం కాదా?