12 అప్పటినుండి పిలాతు యేసును విడుదల చేయడానికి ప్రయత్నించాడు కాని యూదా నాయకులు, "నీవు ఇతన్ని విడుదల చేస్తే నీవు కైసరుకు స్నేహితుడవు కావు. నేను రాజును అని చెప్పుకునే ప్రతివాడు కైసరుకు విరోధి" అని కేకలు వేశారు.
13 పిలాతు ఈ మాటలను విని, యేసును బయటకు తీసుకువచ్చి, రాతి బాటగా ప్రసిద్ధి చెందిన స్థలంలో అతడు న్యాయపీఠం మీద కూర్చున్నాడు. హెబ్రీ భాషలో ఆ స్థలానికి గబ్బతా అని పేరు. 14 అది పస్కాను సిద్ధపరచే రోజు, అప్పుడు ఇంచుమించు ఉదయం ఆరు గంటల సమయం అవుతుంది.
పిలాతు, "ఇదిగో మీ రాజు" అని యూదులతో చెప్పాడు.
15 కాని వారు, "అతన్ని తీసుకెళ్లండి! అతన్ని తీసుకెళ్లండి! సిలువ వేయండి!" అని కేకలు వేశారు.
"మీ రాజును నేను సిలువ వేయనా?" అని పిలాతు అడిగాడు.
అప్పుడు ముఖ్య యాజకులు, "మాకు కైసరు తప్ప వేరే రాజు లేడు" అన్నారు.
16 చివరికి పిలాతు సిలువ వేయడానికి యేసును వారికి అప్పగించాడు.
యేసు సిలువ వేయబడుట
కాబట్టి సైనికులు యేసును తీసుకెళ్లారు.