32 ఆ నిబంధన, ఈజిప్టు నుండి నేను వారి పూర్వికుల
చేయి పట్టుకుని బయటకు నడిపించినపుడు
నేను వారితో చేసిన
నిబంధనలా ఉండదు,
ఎందుకంటే నేను వారికి ఒక భర్తగా ఉన్నా,
వారితో చేసిన నా నిబంధనను వారు ఉల్లంఘించారు,"
అని యెహోవా ప్రకటిస్తున్నారు.
33 "ఆ కాలం తర్వాత,
ఇశ్రాయేలు ప్రజలతో నేను చేసే నిబంధన ఇదే" అని యెహోవా ప్రకటిస్తున్నారు.
"నేను నా ధర్మశాస్త్రాన్ని వారి మనస్సుల్లో ఉంచి,
దాన్ని వారి హృదయాల మీద వ్రాస్తాను.
నేను వారి దేవుడనై ఉంటాను,
వారు నా ప్రజలై ఉంటారు.
34 ఇకపై వారిలో ఎవ్వరూ తమ పొరుగువారికి బోధించరు,
‘యెహోవాను తెలుసుకోండి’ అని ఒకరికొకరు చెప్పుకోరు,
ఎందుకంటే వారిలో,
సామాన్యులు మొదలుకొని గొప్పవారి వరకు అందరు నన్ను తెలుసుకుంటారు"
అని యెహోవా ప్రకటిస్తున్నారు.
"ఎందుకంటే నేను వారి దుష్టత్వాన్ని క్షమించి
వారి పాపాలను ఇక ఎన్నడు జ్ఞాపకం చేసుకోను."